दहावी बोर्डाचा निकाल जाहीर
राज्य मंडळामार्फत फेब्रुवारी/मार्च 2025 मध्ये घेण्यात आलेल्या इयत्ता दहावी परीक्षेचा निकाल जाहीर झाला आहे. त्यानुसार राज्याचा एकूण निकाल 94.10 टक्के लागला आहे
eduvarta@gmail.com 
एज्युवार्ता न्यूज नेटवर्क
महाराष्ट्र राज्य माध्यमिक व उच्च माध्यमिक शिक्षण मंडळातर्फे (SSC, HSC Board) फेब्रुवारी/मार्च 2025 मध्ये घेण्यात आलेल्या इयत्ता दहावी (10th Result) परीक्षेचा निकाल जाहीर झाला आहे. त्यानुसार राज्याचा एकूण निकाल 94.10 टक्के लागला आहे. दरवर्षी प्रमाणे यंदाही निकालात मुलींनी बाजी मारलीय आहे. मुलांचा निकाल 92.31 टक्के तर मुलींचा निकाल 96.14 टक्के लागला आहे. राज्याच्या निकालात कोकण विभाग (98.82) पहिल्या क्रमांकावर असून नागपूर विभाग (90.78) शेवटच्या क्रमांकावर आहे.
राज्य मंडळाच्या नऊ विभागीय मंडळातर्फ राज्यातील सुमारे 15 लाख 46 हजार 579 विद्यार्थ्यांनी दहावीची परीक्षा दिली होती. त्यापैकी 14 लाख 55 हजार 433 उत्तीर्ण झाले आहेत. मागील वर्षी 2024 चा 95.81 टक्के निकाल लागला होता. त्यामुळे यंदा निकालात 1.71 टक्के घट झाली आहे. राज्यातील 211 विद्यार्थ्यांना 100 पैकी 100 टक्के तर 285 विद्यार्थ्यांना 100 पैकी 35 टक्के गुण मिळाले आहेत.
