NTA पुन्हा वादाच्या भोवऱ्यात ; CUET UG आन्सर की मध्ये 80 टक्के उत्तरे चुकीची?
प्रोव्हिजनल आन्सर की मध्ये अनेक प्रश्नांची उत्तरे चुकीची आहेत. अनेक प्रश्नांना आव्हान देणे म्हणजे प्रचंड पैसा खर्च होईल, अशी तक्रार विद्यार्थी करत आहेत.
eduvarta@gmail.com 
एज्युवार्ता न्यूज नेटवर्क
NEET UG परीक्षेचा वाद अद्याप सुटलेला नाही तोच अनेक उमेदवारांनी सोशल मीडिया प्लॅटफॉर्मद्वारे CUET UG च्या उत्तर की वर प्रश्न उपस्थित केले आहेत. CUET UG साठी प्रसिध्द केलेल्या उत्तर की मध्ये अनेक प्रश्नांची उत्तरे चुकीची आहेत. काही उमेदवारांनी तर असा दावा केला आहे की, काही विषयातील 80 टक्के प्रश्नांची उत्तरे चुकीची आहेत.
NTA ने CUET UG परीक्षेची तात्पुरती उत्तर की 7 जून रोजी प्रसिद्ध केली आणि त्यावर उमेदवारांकडून हरकती मागवल्या. परंतु, यावेळी प्रोव्हिजनल आन्सर की मध्ये अनेक प्रश्नांची उत्तरे चुकीची आहेत. अनेक प्रश्नांना आव्हान देणे म्हणजे प्रचंड पैसा खर्च होईल, अशी तक्रार विद्यार्थी करत आहेत.
CUET UG च्या उत्तराला आव्हान देण्यासाठी उमेदवारांना 200 रुपये शुल्क भरावे लागेल. काही उमेदवारांचा दावा आहे की, जर त्यांनी 60 ते 80 टक्के प्रश्नांवर आक्षेप घेतला तर ही रक्कम खूप मोठी होईल. हे शुल्क नॉन-रिफंडेबल असते.
याबाबत एनटीएने आपल्या स्पष्टीकरणात म्हटले आहे की "ही एक तात्पुरती उत्तर की आहे ज्यावर आक्षेप घेतला जाऊ शकतो. उमेदवारांना काही उत्तर चुकीचे वाटल्यास त्यावर आक्षेप नोंदवावा. या आक्षेपांचा विचार केल्यानंतर अंतिम उत्तर की जाहीर केली जाईल."
