UPSC भारतीय वन सेवा परीक्षेसाठी अर्ज प्रक्रिया सुरू
ही परीक्षा २५ मे २०२५ रोजी घेतली जाईल. या परीक्षेसाठी अर्ज करणाऱ्या उमेदवारांचे किमान वय २१ वर्षे आणि कमाल वय ३२ वर्षे निश्चित करण्यात आले आहे. 12 ते 18 फेब्रुवारी दरम्यान उमेदवारांना त्यांच्या अर्जात दुरूस्ती करता येणार आहे.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (Union Public Service Commission) UPSC भारतीय वन सेवा (Indian Forest Service) IFS पूर्वपरीक्षा परीक्षा २०२५ साठी अधिसूचना प्रसिद्ध केली आहे. (Notification has been issued for the Preliminary Examination 2025) अधिसूचना प्रसिद्ध झाल्यानंतर,अर्ज प्रक्रिया आज २२ जानेवारी २०२५ पासून सुरू झाली आहे. इच्छुक आणि पात्र उमेदवार https://upsc.gov.in या अधिकृत वेबसाइटला भेट देऊन अर्ज करू शकतात. परीक्षेसाठी अर्ज करण्याची शेवटची तारीख ११ फेब्रुवारी २०२५ आहे.
यूपीएससी आयएफएस प्रिलिम्स परीक्षेसाठी अर्ज करण्यासाठी उमेदवारांना १०० रुपये अर्ज शुल्क भरावे लागेल. अनुसूचित जाती (SC), अनुसूचित जमाती (ST), दिव्यांग उमेदवार आणि सर्व महिला उमेदवारांना अर्ज शुल्क भरण्यापासून सूट आहे. शुल्क डेबिट कार्ड, क्रेडिट कार्ड, नेट बँकिंग, यूपीआय किंवा इतर ऑनलाइन पेमेंट पद्धतींद्वारे भरता येऊ शकेल.
यूपीएससी आयएफएस परीक्षेद्वारे एकूण १५० पदे भरली जाणार आहेत. ही परीक्षा २५ मे २०२५ रोजी घेतली जाईल. या परीक्षेसाठी अर्ज करणाऱ्या उमेदवारांचे किमान वय २१ वर्षे आणि कमाल वय ३२ वर्षे निश्चित करण्यात आले आहे. 12 ते 18 फेब्रुवारी दरम्यान उमेदवारांना त्यांच्या अर्जात दुरूस्ती करता येणार आहे.
दरम्यान, आजच UPSC CSE परीक्षेची देखील अधिसूचना प्रसिद्ध करण्यात आली आहे. या परीक्षेद्वारे एकूण ९७९ पदे भरली जाणार आहेत. सीएसई आणि भारतीय वन सेवा परीक्षा २०२४ चा पहिला टप्पा संयुक्तपणे आयोजित केला जाणार आहे.
