इस्रोकडून विविध पदांसाठी भरती प्रक्रिया सुरू

एज्युवार्ता न्यूज नेटवर्क 

इंडियन स्पेस रिसर्च ऑर्गनायझेशन ह्युमन स्पेस फ्लाइट सेंटरने (Indian Space Research Organization Human Space Flight Centre) अनेक पदांसाठी पात्र उमेदवारांकडून अर्ज (recruitment) मागवले आहेत. या पदांसाठी आजपासून म्हणजेच गुरुवार, १९ सप्टेंबर २०२४ पासून नोंदणी (registration) सुरू झाली आहे. 

या पदांसाठी आवश्यक पात्रता आणि अर्ज करणारे उमेदवार ९ ऑक्टोबरपर्यंत अर्ज करू शकतात. अर्ज फक्त ऑनलाइनच करता येणार आहे. या भरती मोहिमेद्वारे, एकूण 103 पदांवर पात्र उमेदवारांची नियुक्ती केली जाईल. यामध्ये वैद्यकीय अधिकारी एस.डी. (Medical Officer S.D) ची 2 पदे, वैद्यकीय अधिकारी एसी 1 पदे (Medical Officer AC), शास्त्रज्ञ किंवा अभियंता एस.सी.ची 10 पदे (Scientist or Engineer SC), तांत्रिक सहाय्यक 28 पदे, वैज्ञानिक सहाय्यक 1 पदे, तंत्रज्ञ बी 43 पदे, ड्राफ्ट्समन 13 पदे आणि सहाय्यक राजभाषामध्ये 5 पदे आहेत.

इस्रोच्या या पदांसाठी अर्ज करताना केवळ ऑनलाइन पद्धतीने करता येणार आहे. त्यासाठी तुम्हाला भारतीय अंतराळ संशोधन संस्थेच्या अधिकृत वेबसाइट https://www.isro.gov.in/ वर जावे लागेल. इस्रोच्या या रिक्त पदांसाठी अर्ज करण्याची शैक्षणिक पात्रता आणि वयोमर्यादा ही पदानुसार बदलते. उदा. एमबीबीएस उमेदवार वैद्यकीय अधिकारी पदांसाठी अर्ज करू शकतात. अभियांत्रिकी पदविका केलेले उमेदवार तांत्रिक सहाय्यक पदासाठी अर्ज करू शकतात. तर तंत्रज्ञ बी आणि ड्राफ्ट्समन बी या पदांसाठी, संबंधित क्षेत्रातील आयटीआय डिप्लोमा असलेले 10वी उत्तीर्ण उमेदवार अर्ज करू शकतात. या रिक्त पदांसाठी अर्ज करण्यासाठी कोणत्याही प्रकारचे शुल्क भरावे लागणार नाही.