यूजीसी नेट डिसेंबर परीक्षेचा निकाल जाहीर

एज्युवार्ता न्यूज नेटवर्क 

 नॅशनल टेस्टिंग एजन्सी (National Testing Agency)  NTA कडून UGC NET चा निकाल जाहीर करण्यात आला आहे.(UGC NET December Result declared). निकाल NTA च्या अधिकृत वेबसाइट ugcnet.nta.ac.in वर ऑनलाइन प्रसिद्ध करण्यात आला आहे. उमेदवार UGC नेट स्कोअरकार्ड देखील डाउनलोड करू शकतात. 

यूजीसी नेट परीक्षेअंतर्गत उमेदवारांना तीन श्रेणींमध्ये पात्रता मिळाली आहे. डिसेंबर सत्रात, ५ हजार  १५८ उमेदवार सहाय्यक प्राध्यापकासाठी, ४८ हजार  १६१ सहाय्यक प्राध्यापक आणि पीएचडी प्रवेशासाठी आणि १ लाख  १४ हजार  ४४५ उमेदवार केवळ पीएचडी प्रवेशासाठी पात्र ठरले आहेत. UGC NET साठी नोंदणीकृत उमेदवारांची संख्या ८ लाख  ४९ हजार  १६६ होती. ज्यापैकी ६ लाख  ४९ हजार  ४९० उमेदवारांनी परीक्षा दिली.

असा तपसा निकाल 

* UGC NET डिसेंबर २०२४ चा निकाल पाहण्यासाठी, प्रथम NTA च्या अधिकृत वेबसाइट ugcnet.nta.ac.in ला भेट द्यावी लागेल.
* वेबसाइटच्या होम पेजवर, तुम्हाला 'LATEST NEWS' मधील निकाल/स्कोअरकार्डशी संबंधित लिंकवर क्लिक करावे लागेल.
* आता तुम्हाला अर्ज क्रमांक, जन्मतारीख आणि दिलेला कॅप्चा कोड टाकावा लागेल आणि तो सबमिट करावा लागेल.
* यानंतर निकाल स्क्रीनवर उघडेल जिथून तुम्ही तो तपासू शकता तसेच तुमचा स्कोअरकार्ड डाउनलोड करू शकता. 

अंतिम उत्तरपत्रिका प्रसिद्ध झाली
यूजीसी नेट निकालासोबतच, राष्ट्रीय परीक्षा एजन्सी (एनटीए) ने अंतिम उत्तरपत्रिका देखील जारी केली आहे. उमेदवार अंतिम उत्तर की द्वारे प्रश्नांची उत्तरे जुळवू शकतात. उमेदवारांना  अंतिम उत्तरपत्रिकेवर  कोणताही आक्षेप नोंदवता येणार नाही.