परीक्षेत मोबाइल सापडल्यास विद्यार्थ्यावर 'ही' कडक कारवाई होणार - CBSE
जर एखाद्या विद्यार्थ्याकडे मोबाईल फोन किंवा इतर इलेक्ट्रॉनिक उपकरण आढळले तर त्याला पुढील दोन वर्षे परीक्षेला बसण्यास बंदी घातली जाईल. यापूर्वी, अशा प्रकरणांमध्ये, एका वर्षासाठी परीक्षेवर बंदी घालण्याची तरतूद होती.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाच्या (Central Board of Secondary Education) CBSE दहावी आणि बारावीच्या परीक्षा १५ फेब्रुवारीपासून सुरू होत आहेत. (The exams for class 10th and 12th are starting from February 15th) सीबीएसई मान्यताप्राप्त शाळांमधील विद्यार्थी परीक्षेची तयारी करण्यात व्यस्त आहेत. दरम्यान, सीबीएसईने विद्यार्थी आणि पालकांसाठी मार्गदर्शक तत्त्वे प्रसिद्ध केली आहेत. (CBSE has issued guidelines for students and parents) जर कोणत्याही उमेदवाराने मार्गदर्शक तत्वे पाळली नाही तर त्याला दोन वर्षांपर्यंत बंदी घातली जाऊ शकते, (Any candidate who fails to comply with this may be banned for up to two years) म्हणजेच तो विद्यार्थी दोन वर्षे परीक्षेला बसू शकणार नाही.
सीबीएसईच्या दहावी आणि बारावीच्या परीक्षांमध्ये मोबाईल फोन आणि इतर इलेक्ट्रॉनिक उपकरणांच्या वापरावरील बंदी कायम राहील. जर एखाद्या विद्यार्थ्याकडे मोबाईल फोन किंवा इतर इलेक्ट्रॉनिक उपकरण आढळले तर त्याला पुढील दोन वर्षे परीक्षेला बसण्यास बंदी घातली जाईल. यापूर्वी, अशा प्रकरणांमध्ये एका वर्षासाठी परीक्षेवर बंदी घालण्याची तरतूद होती.
याविषयी अधिक माहिती देताना सीबीएसई परीक्षा नियंत्रक डॉ. संयम भारद्वाज म्हणाले की, "परीक्षा केंद्रावर कोणत्याही प्रकारचे इलेक्ट्रॉनिक उपकरण किंवा मोबाइल वापरले किंवा ठेवले तर विद्यार्थी केवळ यावर्षीच नव्हे तर पुढच्या वर्षीही परीक्षेला बसू शकणार नाहीत. तसेच यावेळी परीक्षेत निष्पक्षता, चांगले निरीक्षण आणि पारदर्शकता सुनिश्चित करण्यासाठी परीक्षा केंद्रांवर सीसीटीव्ही कॅमेरे बसवले जाणार आहेत"
गेल्या काही वर्षांत विद्यार्थ्यांनी सोशल मीडियावर परीक्षेशी संबंधित खोट्या अफवा पसरवल्याच्या घटना घडल्या आहेत. या पार्श्वभूमीवर सीबीएसईने सोशल मीडियावर परीक्षेशी संबंधित अफवा पसरवणे या कृत्याला देखील अनुचित साधन नियमांतर्गत समाविष्ट केले आहे.
