वर्षातून दोन वेळा बोर्ड परीक्षेच्या नियमात होऊ शकतो बदल ?

एज्युवार्ता न्यूज नेटवर्क 

केंद्रीय माध्यमिक शिक्षण मंडळाने (Central Board of Secondary Education) CBSE २०२६ पासून दहावीच्या दोन परीक्षांसाठी मसुदा योजना प्रसिद्ध केली आहे. (Draft plan released for two 10th class exams from 2026) यावर ९ मार्चपर्यंत अभिप्रायही मागवण्यात आला आहे. या मसुद्यावर ज्या सूचना येतील त्यांचा विचार करून त्यानंतर अंतिम धोरण ठरवले जाईल. (The final policy will be decided after considering the suggestions received on this draft) जर अभिप्रायाच्या आधारे धोरणात आवश्यक बदल करण्याची शक्यता असेल, तर त्या बदलांचाही समावेश करून अंतिम धोरण जारी केले जाईल, अशी माहिती केंद्रीय शिक्षण मंत्रालयाचे शालेय शिक्षण सचिव संजय कुमार यांनी दिली आहे. 

CBSE ने जाहीर केलेल्या मसुदयावर देशातील कोणत्याही शाळेतील मुख्याध्यापक, शिक्षक, पालक, विद्यार्थी, शाळा व्यवस्थापन आणि सामान्य लोक cbse.gov.in पोर्टलद्वारे त्यांचे मत देऊ शकतात. सीबीएसईने या धोरणावर लोकांचे मत आणि सूचना मागवल्या आहेत. याविषयी बोलताना संजय कुमार म्हणाले, " हे सध्या एक मसुदा धोरण आहे. ज्या काही सूचना येतील, त्यांची तपासणी केली जाईल. सीबीएसई आणि शिक्षण मंत्रालय मसुदा धोरण आणि मिळालेल्या अभिप्रायाची तपासणी करतील. त्यानंतर अंतिम धोरण ठरवले जाईल. जर अभिप्रायाच्या आधारे धोरणात आवश्यक बदल करण्याची शक्यता असेल, तर त्या बदलांचाही समावेश करून अंतिम धोरण जारी केले जाईल."

बोर्डाचे अध्यक्ष राहुल सिंह म्हणाले , " येत्या ९ मार्चपर्यंत अभिप्राय मागवण्यात आला आहे. त्यानंतर, अंतिम मसुदा लवकरात लवकर प्रसिद्ध करण्याचा प्रयत्न केला जाईल. एप्रिलमध्ये नवीन सत्र सुरू होण्यापूर्वी अंतिम धोरण जारी करण्याचा प्रयत्न आहे. मसुदा धोरणात, सीबीएसई दहावीच्या परीक्षेचा पहिला टप्पा १७ फेब्रुवारी ते ६ मार्च २०२६ आणि दुसऱ्या टप्प्यातील परीक्षेचा कालावधी ५ मे ते २० मे २०२६ असा प्रस्तावित करण्यात आला आहे. यासोबतच, दहावीच्या परीक्षा कधी घेता येतील याची संभाव्य तारीख पत्रक देखील देण्यात आली आहे. डेटशीटबाबतही अनेक सूचना येत आहेत. "