परीक्षेत कॉपी केल्यास फौजदारी गुन्हा ; NTA चा स्पेशल सेल ठेवणार नजर
NTA वेबसाइटवर अशा तक्रारींसाठी स्वतंत्र पोर्टल तयार केले जाईल. कोणत्याही केंद्रात छोटीशी तक्रार आल्यास संबंधित पथक त्याचे त्वरित ऑडिट करेल. अशा केंद्रांवर तात्काळ बंदी घालण्यात येईल. नवीन नियमांनुसार, गैरवर्तन आढळल्यास, थेट भारतीय न्याय संहितेनुसार गुन्हा दाखल केला जाईल.
eduvarta@gmail.com 
एज्युवार्ता न्यूज नेटवर्क
आता परीक्षेत कॉपी किंवा गैरप्रकार करणाऱ्या विद्यार्थ्यांवर (Students who cheat in exams) फौजदारी कायद्यान्वये गुन्हा दाखल (under criminal law) करण्यात येणार आहे.परीक्षांची अखंडता राखण्यासाठी आणि फसवणूक, पेपरफुटी इत्यादी घटना रोखण्यासाठी हा निर्णय घेण्यात आला आहे. याशिवाय नॅशनल टेस्टिंग एजन्सी (National Testing Agency) NTA मध्ये संशोधन आणि विकास कक्ष तयार करण्याचा निर्णय घेण्यात आला आहे. हा सेल देशभरातील केंद्रे, तक्रारी आदींवर लक्ष ठेवणार आहे.
मीडिया रीपोर्ट नुसार NTA वेबसाइटवर अशा तक्रारींसाठी स्वतंत्र पोर्टल तयार केले जाईल. कोणत्याही केंद्रात छोटीशी तक्रार आल्यास संबंधित पथक त्याचे त्वरित ऑडिट करेल. अशा केंद्रांवर तात्काळ बंदी घालण्यात येईल. नवीन नियमांनुसार, गैरवर्तन आढळल्यास, थेट भारतीय न्याय संहितेनुसार गुन्हा दाखल केला जाईल. आतापर्यंत अशा विद्यार्थ्यांच्या भवितव्याचा विचार करून न्यायालय त्यांना ताकीद देऊन सोडत असे. परंतु, 2025 च्या परीक्षेपासून असे विद्यार्थी पुन्हा कधीही परीक्षेसाठी किंवा नोकरीसाठी अर्ज करू शकणार नाहीत.
दोन लाखांहून अधिक विद्यार्थी असणारी ही परीक्षा जेईई मेनच्या धर्तीवर अनेक शिफ्टमध्ये घेतली जाईल. आतापर्यंत असा नियम नव्हता. परीक्षा केंद्राचा प्रत्येक कोपरा सीसीटीव्हीच्या निगराणीखाली असेल. त्याचा रेकॉर्ड एक वर्षापर्यंत राहील. परीक्षेदरम्यान प्रत्येक 15 मिनिटांनी सीसीटीव्ही आणि विद्यार्थ्यांचे फोटो पडताळून पहिले जाईल, असे अनेक नवीन नियम येत्या वर्षापासून लागू होणार आहेत.
