बारामती, राहुरी पोट निवडणुकीच्या पार्श्वभूमीवर परीक्षेच्या तारखांमध्ये बदल
23 एप्रिल रोजीचा पेपर आता 18 मे रोजी घेतला जाणार आहे. मंडळाने केवळ हा एक बदल केला आहे. सर्व विद्यार्थ्यांना तसेच संबंधितांना या बदलाबाबत आवश्यक माहिती अवगत करून द्यावी, असे सचिव डॉ.मारुती जाधव यांनी कळविले आहे.
eduvarta@gmail.com 
एज्युवार्ता न्यूज नेटवर्क
महाराष्ट्राचे लाडके उपमुख्यमंत्री अजित पवार यांच्या अपघाती निधनानंतर रिक्त झालेल्या बारामती विधानसभा मतदारसंघाची पोट निवडणूक येत्या 23 एप्रिल 2026 रोजी घेतली जाणार आहे. त्याचप्रमाणे राहुरी विधानसभा मतदारसंघाची पोट निवडणूक सुद्धा घेण्यात येणार आहे. या पार्श्वभूमीवर महाराष्ट्र राज्य तंत्र शिक्षण मंडळातर्फे घेतल्या जाणाऱ्या परीक्षेच्या तारखांमध्ये बदल करण्यात आला आहे, महाराष्ट्र राज्य तंत्र शिक्षण मंडळाचे सचिव डॉ. मारुती जाधव यांनी याबाबतचे परिपत्रक प्रसिद्ध केले आहे.
महाराष्ट्र राज्यात येत्या 23 एप्रिल रोजी बारामती व राहुरी विधानसभा मतदारसंघाची पोटनिवडणूक होणार आहे. या निवडणुकीच्या तारखा लक्षात घेऊन केवळ 23 एप्रिल 2026 रोजीची उन्हाळी परीक्षा 2026 च्या सैद्धांतिक परीक्षेच्या वेळापत्रकात बदल करण्यात आला आहे. या व्यतिरिक्त कोणत्याही परीक्षेच्या वेळापत्रकात बदल केलेला नाही. 23 एप्रिल रोजीचा पेपर आता 18 मे रोजी घेतला जाणार आहे. मंडळाने केवळ हा एक बदल केला आहे. सर्व विद्यार्थ्यांना तसेच संबंधितांना या बदलाबाबत आवश्यक माहिती अवगत करून द्यावी, असे सचिव डॉ.मारुती जाधव यांनी कळविले आहे.
महाराष्ट्र राज्य तंत्र शिक्षण मंडळाशी संलग्नित असणाऱ्या सर्व संस्थांच्या प्राचार्यांना याबाबतचे पत्र पाठविण्यात आले आहे. संबंधित परीक्षा केंद्राच्या प्राचार्यांनी परीक्षेच्या तारखांमध्ये झालेल्या बदलांची माहिती विद्यार्थ्यांना कळविणे अपेक्षित आहे.
