विद्यार्थिनीवर लैंगिक अत्याचार; मुख्याध्यापकाला पोक्सो अंतर्गत अटक 

एज्युवार्ता न्यूज नेटवर्क 

विद्यार्थिनीसोबत (students) लैंगिक अत्याचाराची आणखी एक घटना समोर आली आहे. धक्कादायक बाब म्हणजे या घटनेत खुद्द शाळेचे मुख्याध्यापक (principal) मुख्य आरोपी असून त्यांच्यावर पोक्सो आणि शारीरिक छेडछाडीचा गुन्हा दाखल करत अटक करण्यात आली आहे. गुजरात (gujrat) मधून ही घटना उघडकीस आली आहे. 

गुजरातमधील भरूच येथील सेंट झेवियर्स स्कूलच्या मुख्याध्यापकांविरुद्ध पोक्सो आणि शारीरिक छेडछाडीचा गुन्हा दाखल करण्यात आला आहे. (A case of POCSO and physical harassment has been registered against the principal of St. Xavier's School in Bharuch, Gujarat) २ वर्षांपूर्वी या शाळेत शिकणारी आणि सध्या दुसर्‍या कॉलेजमधून बारावी करत असलेल्या विद्यार्थिनीने या मुख्याध्यापकाविरोधात तक्रार दाखल केली आहे. शाळेचे मुख्याध्यापक कमलेश रावल याच्यावर शारीरिक छळाचा आरोप करण्यात आला होता, त्यानंतर भरूच पोलिसांनी मुख्याध्यापकांना अटक केली आहे.

मीडिया रिपोर्टनुसार, गेल्या महिन्यात शाळेतून उत्तीर्ण झालेल्या विद्यार्थ्यांना एका कार्यक्रमाचे आमंत्रण देण्यात आले होते. यावेळी मुख्याध्यापकांनी एका विद्यार्थिनीला बोलावून तिचा शारीरिक छळ करून तिच्यावर बलात्कार करण्याचा प्रयत्न केला. या घटनेनंतर, विद्यार्थिनीने तिच्या पालकांना माहिती दिली. त्यानंतर त्यांनी पोलिसात तक्रार दाखल केली. 

पोलिसांनी दिलेल्या माहितीनुसार २ वर्षांपूर्वी कमलेश रावल उपप्राचार्य असताना ही मुलगी त्याच शाळेत शिकत होती आणि त्यावेळीही त्यांनी मुलीचा शारीरिक छळ केला होता परंतु त्यावेळी ही अल्पवयीन विद्यार्थिनी भीतीमुळे गप्प बसली होती. आता जेव्हा २ वर्षांनी, शाळेतील एका कार्यक्रमादरम्यान, कमलेश रावलने पुन्हा विद्यार्थिनीचा विनयभंग करण्याचा आणि तिच्याशी शारीरिक संबंध ठेवण्याचा प्रयत्न केला तेव्हा तिने तिच्या पालकांना घटनेची माहिती दिली.

याविषयी अधिक माहिती देताना भरूचचे पोलीस अधीक्षक मयूर चावड म्हणाले की, तक्रारदाराच्या पालकांनी सांगितले होते की, मुलीवर यापूर्वीही लैंगिक अत्याचार झाला होता, त्यानंतर पोलिसांनी पोक्सो आणि बलात्काराच्या प्रयत्नाअंतर्गत तक्रार दाखल केली आहे. हे प्रकरण उघडकीस आल्यानंतर, शाळेने मुख्याध्यापकांची दुसऱ्या शाळेत बदली केली होती. त्या शाळेतून कमलेश रावल याला अटक करण्यात आली आहे.