NTA च्या साईटवर संस्थेची अपुरी माहिती का ? खासदारांचे शिक्षण मंत्र्यांना पत्र
सर्व मंडळ सदस्य कोण आहेत? अधिकारी कोण आहेत? NTA चे वार्षिक अहवाल कुठे आहेत? भविष्यातील परीक्षांसाठी लोकांचा विश्वास जिंकण्यासाठी, NTA ने त्यांच्या वेबसाइटवर स्वतःबद्दल अधिक माहिती दिली पाहिजे.
eduvarta@gmail.com 
एज्युवार्ता न्यूज नेटवर्क
NEET-UG, UGC-NET सारख्या परीक्षांमध्ये झालेल्या गैरप्रकरणांमुळे वादात सापडलेल्या नॅशनल टेस्टिंग एजन्सी (NTA) वर आता नवीन आरोप होता आहे. एजन्सीने स्वतःच्या वेबसाइटवर एजन्सी विषयी दिलेली माहिती अपुरी आहे, अशी तक्रार केंद्रीय शिक्षण मंत्री धर्मेंद्र प्रधान यांच्याकडे पत्राद्वारे करण्यात आली आहे.
TMC राज्यसभा सदस्य सागरिका घोष यांनी प्रधान यांना पत्र लिहून एजन्सीच्या वेबसाइटवर संस्थेबद्दल पुरेशी माहिती का नाही? अशी विचारणा केली आहे. सोशल मीडियावर X वर एका पोस्टमध्ये पत्र टॅग करत त्यांनी विचारले की, "सर्व मंडळ सदस्य कोण आहेत? अधिकारी कोण आहेत? NTA चे वार्षिक अहवाल कुठे आहेत? भविष्यातील परीक्षांसाठी लोकांचा विश्वास जिंकण्यासाठी, NTA ने त्यांच्या वेबसाइटवर स्वतःबद्दल अधिक माहिती दिली पाहिजे."
शनिवारी प्रधान यांना टॅग करत घोष यांनी त्यांच्या पोस्टमध्ये म्हटले आहे की, "एनटीएचे एकमेव कार्य आउटसोर्सिंग असल्याचे दिसते. एनटीएची स्थापना 2017 मध्ये झाली आणि पाच वर्षांत 17 वेगवेगळ्या परीक्षा आयोजित करण्याची जबाबदारी त्यांच्यावर सोपवण्यात आली आहे. जनतेचा विश्वास जिंकण्यासाठी आणि पारदर्शकतेचे उद्दिष्ट राखण्यासाठी, मोठ्या परीक्षा आयोजित करणाऱ्या कोणत्याही सार्वजनिक संस्थेने स्वतःबद्दल अधिक माहिती उघड केली पाहिजे. NTA ची वेबसाइट संस्थेबद्दल फारच कमी माहिती देते. सर्व एनटीए कार्यालये फक्त दोन लँडलाइन नंबर सामायिक करतात. केवळ अध्यक्ष, महासंचालक आणि अन्य एका सदस्याची नावे उपलब्ध आहेत."
