11th Admission : अकरावी कोट्यातील रिक्त जागा वळवल्या जाणार

एज्युवार्ता न्यूज नेटवर्क

शैक्षणिक सत्र २०२५-२६ (Academic Session 2025-26) साठी सुरू असलेल्या इयत्ता ११ वी ऑनलाइन प्रवेश प्रक्रियेंतर्गत (11th Online Admission Process) कोट्यातील रिक्त जागा प्रत्यार्पणाची कार्यवाही सुरू (The process of returning vacant seats in the quota has begun) झाली आहे. शासन निर्णयानुसार, अल्पसंख्याक व बिगर अल्पसंख्याक कनिष्ठ महाविद्यालयांना त्यांच्या व्यसापवस्थापन व इन-हाऊस कोट्यातील (In-house quota) रिक्त जागा प्रत्यार्पित करणे ऐच्छिक आहे. ही कार्यवाही ८ जुलै सकाळी ११ वाजेपर्यंत संबंधित महाविद्यालयांनी आपल्या लॉगिनद्वारे पूर्ण करावी, असे निर्देश देण्यात आले आहेत.

अल्पसंख्याक दर्जा प्राप्त कनिष्ठ महाविद्यालयांना जर दुसऱ्या फेरीसाठी अल्पसंख्याक कोट्यात प्रवेशासाठी अर्ज प्राप्त झाले, तर प्रथम त्यांना प्रवेश द्यावा लागेल. त्यानंतरच उर्वरित रिक्त जागा कॅप फेरी-२ मध्ये समाविष्ट केल्या जातील. प्रवेश न मिळालेल्या विद्यार्थ्यांनी पुढील फेरीसाठी प्राधान्यक्रम अपडेट करावेत. तसेच विद्यार्थी १ ते १० पर्यंत प्राधान्यक्रम देऊ शकतात. अर्जाचा भाग १ व २ पूर्ण करून आवश्यक कागदपत्रे अपलोड करून प्रवेश प्रक्रिया पूर्ण करावी.

मुंबई विद्यापीठ : अन्य भाषिकांसाठी मराठी शिकवणी सुरू, अभ्यासक्रमही तयार..

अल्पसंख्यांक तसेच बिगर अल्पसंख्यांक कनिष्ठ महाविद्यालयांना आपला व्यवस्थापन कोटा व इन-हाऊस कोटा मधील रिक्त जागा प्रत्यार्पित करणे ऐच्छिक आहे. अल्पसंख्यांक दर्जा प्राप्त कनिष्ठ महाविद्यालयातील अल्पसंख्यांक कोटयातील रिक्त जागा प्रत्यार्पित करणे ऐच्छिक असून दुसऱ्या फेरीच्यावेळी अल्पसंख्यांक कोटयातून प्रवेशाकरीता अर्ज प्राप्त झाल्यास त्या विद्यार्थ्यांना प्रथम प्रवेश अल्पसंख्यांक कोट्यातून देण्यात येतील व तद्नंतर प्रत्यार्पित केलेल्या जागांपैकी रिक्त जागा असल्यास तेवढया जागा कॅप फेरी-२ करीता विचारात घेण्यात येतील, असे परिपत्रकात म्हटले आहे.