PUNE UNIVERSITY : पदवी अभ्यासक्रमाचे प्रवेश अर्ज करण्यासाठी मुदतवाढ
विद्यापीठाच्या आवारातील विविध विभागांमध्ये मिळून एकुण 17 पदवी स्तरावरील अभ्यासक्रम चालविले जातात. या सर्व अभ्यासक्रमांच्या प्रवेशासाठी शैक्षणिक पात्रता बारावी आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठीच्या आवारातील (कॅम्पस) (savitribai phule pune university campus ) विविध विभागांमध्ये चालविल्या जाणाऱ्या पदवी अभ्यासक्रमांच्या प्रवेशासाठी अर्ज (degree program admission form) करण्यास येत्या मंगळवार (दि.२०) पर्यंत मुदतवाढ देण्यात आली आहे. त्यामुळे बारावीनंतरच्या अभ्यासक्रमांचा शोध घेणा-या विद्यार्थ्यांना विलंब शुल्कासह अर्ज करता येतील, असे विद्यापीठाच्या शैक्षणिक प्रवेश विभागाचे उपकुलसचिव राजेश राहेरकर (Pune University Deputy Registrar Rajesh raherkar ) यांनी सांगितले.
विद्यापीठाच्या आवारातील विविध विभागांमध्ये मिळून एकुण 17 पदवी स्तरावरील अभ्यासक्रम चालविले जातात. या सर्व अभ्यासक्रमांच्या प्रवेशासाठी शैक्षणिक पात्रता बारावी आहे. यामध्ये बीटेक एव्हिएशन, बीए लिबरल आर्टस्, बीएस्सी ब्लेंडेड, बीबीए हॉस्पिटॅलिटी अँड फॅसिलिटी मॅनेजमेंट, बीएस्सी डेटा सायन्स, बीएस्सी 3 डी अँनिमेशन अँड व्हीएफएक्स, बॅचलर ऑफ फाईन आर्टस्- पेन्टींग, बँचलर ऑफ आर्टस्- अप्लाईड आर्टस्, बी व्होक मॅन्युफॅक्चरींग स्कील्स, रिन्युएबल एनर्जी, रिटेल मॅनेजमेंट या पदवी पातळीवरील अभ्यासक्रमांचा समावेश आहे. याशिवाय, नृत्य, संगीत, नाटक, बुद्धीस्ट स्टडीज व पाली या विषयातील बारावीनंतरचे पाच वर्षांचे एकात्मिक एम. ए.अभ्यासक्रम तसेच बायोटेक्नॉलॉजी विषयातील पाच वर्षांच्या एसएस्सी अभ्यासक्रमाचाही यात समावेश आहे.
पूर्वनियोजित वेळापत्रकानुसार पदवी अभ्यासाची प्रवेश पूर्व परीक्षा येत्या शनिवार (दि. 24) रोजी होणार होती. त्याऐवजी आता ही परीक्षा येत्या 25 जुन रोजी प्रॉक्टर्ड पद्धतीने घेण्यात येईल.विद्यार्थी ही परीक्षा त्यांच्या डिजिटल उपकरणांवर घरी बसूनही देऊ शकतील, असेही राहेरकर यांनी सांगितले.
