UGC NET परीक्षेच्या 'या' तारखांसाठी हॉल तिकीट प्रसिद्ध

एज्युवार्ता न्यूज नेटवर्क 

नॅशनल टेस्टिंग एजन्सीने (National Testing Agency) NTA  6, 7 आणि 8 जानेवारी 2025 रोजी होणाऱ्या UGC NET डिसेंबर 2024 परीक्षेसाठी हॉल तिकीट प्रसिद्ध केले आहे. (Admit cards have been released for the UGC NET December 2024 exam to be held on January 6, 7 and 8, 2025) ज्यांनी परीक्षेसाठी नोंदणी केली आहे ते उमेदवार आता https://ugcnet.nta.ac.in/ या अधिकृत वेबसाइटवरून त्यांचे लॉगिन क्रेडेंशियल्स वापरून हॉल तिकीट डाउनलोड करू शकतात. 

ही परीक्षा देशभरातील विविध शहरांमध्ये संगणक आधारित चाचणी (CBT) पद्धतीने 85 विषयांसाठी घेतली जाईल. हॉल तिकीटामध्ये उमेदवारांना परीक्षा केंद्र, वेळ आणि उमेदवाराची माहिती याविषयी तपशील पाहायला मिळेल.

एनटीएने आपल्या निवेदनात म्हटले आहे की, 'उमेदवारांना हॉल तिकीटावरील फोटो, स्वाक्षरी, बारकोड आणि क्यूआरकोड तपासण्याचा सल्ला दिला जातो. फोटो, स्वाक्षरी, बारकोड आणि क्यूआरकोड यांपैकी कोणतेही गहाळ असल्यास, उमेदवारांनी ते पुन्हा डाउनलोड करावे.'

हॉल तिकीट डाउनलोड करण्यासाठी सर्व उमेदवारांनी प्रथम अधिकृत वेबसाइटवर जा. होम पेजवर हॉल तिकीट डाउनलोड करण्यासाठी लिंक निवडा. लॉग इन करण्यासाठी तुमचा अर्ज क्रमांक आणि पासवर्ड एंटर करा. आता तुमचे हॉल तिकीट स्क्रीनवर दिसेल. परीक्षेसाठी हॉल तिकीट डाउनलोड करा आणि त्याची प्रिंटआउट घ्या.

जर उमेदवारांना UGC NET हॉल तिकीट डाउनलोड करण्यात अडचण येत असेल तर ते 011-40759000 वर संपर्क साधू शकतात किंवा ugcnet@nta.ac.in वर ई-मेल करू शकता.