मोझे कॉलेजमधील गैरप्रकार:डॉ. देविदास वायदंडे यांच्या अध्यक्षतेखाली समिती स्थापन

एज्युवार्ता न्यूज नेटवर्क 

वाघोली येथील पार्वतीबाई गेनबा मोझे कॉलेज ऑफ इंजीनियरिंगमध्ये (Parvatibai Genba Moze College of Engineering, Wagholi)झालेल्या गैरप्रकाराची चौकशी करण्यासाठी सावित्रीबाई फुले पुणे विद्यापीठातर्फे (Savitribai Phule Pune University)विद्यापीठाच्या व्यवस्थापन परिषदेचे सदस्य डॉ. देविदास वायदंडे (Member of the Management Council Dr. Devidas Vayadande)यांच्या अध्यक्षतेखाली सत्यशोधन समिती स्थापन (Truth-Finding Committee)करण्यात आली आहे.तर या समितीचे सदस्य सचिव म्हणून डॉ. प्रवीण येवले हे काम पाहणार आहेत. त्यामुळे लवकरच या संदर्भातील वस्तुस्थिती समोर येणार आहे.

सावित्रीबाई फुले पुणे विद्यापीठाशी संलग्न असणाऱ्या वाघोली येथील पार्वतीबाई गेनबा माझे या महाविद्यालयातील प्राध्यापकाने व त्याच्या साथीदारांनी परीक्षा झालेल्या उत्तरपत्रिका स्ट्रॉंग रूम मधून काढून रात्री पुन्हा विद्यार्थ्यांना लिहिण्यासाठी दिल्या. त्यासाठी बनावट चाव्या तयार केल्या. तसेच उत्तरपत्रिका लिहिण्यासाठी विद्यार्थ्यांकडून पैसे घेतले. ही धक्कादायक माहिती समोर आल्यानंतर विद्यापीठाने तात्काळ या संदर्भात सत्यशोधन समिती स्थापन करण्याचा निर्णय घेतला. या समितीला तातडीने काम सुरू करून सात दिवसांमध्ये अहवाल सादर करण्याचे निर्देश दिले आहेत.

धक्कादायक: चार प्राध्यापकांना अटक; इंजिनिअरिंगच्या विद्यार्थ्यांना रात्री पुन्हा उत्तरपत्रिका लिहिण्यासाठी दिल्या..

विद्यापीठाच्या व्यवस्थापन परिषदेचे सदस्य देविदास वायदंडे यांच्या अध्यक्षतेखाली ही सत्यशोधन समिती स्थापन करण्यात आली असून त्यात अधिष्ठाता डॉ.प्रमोद पाटील यांच्यासह प्राचार्य डॉ.सुनील ठाकरे, प्राचार्य डॉ.सुनीता आढाव आणि समीर भोसले यांचा सदस्य म्हणून समावेश करण्यात आला आहे, विद्यापीठाचे  परीक्षा व मूल्यमापन मंडळाचे प्रभारी संचालक डॉ. प्रभाकर देसाई यांनी समिती स्थापन करण्यासंदर्भातील पत्र काढले आहे.