होमी भाभा राज्य विद्यापीठाच्या पदवी प्रवेश प्रक्रियेसाठी 'ही' शेवटची तारीख
केंद्र सरकारच्या पीएम-उषा कार्यक्रमांतर्गत डॉ. होमी भाभा राज्य विद्यापीठाने यंदापासून एईडीपी इन्स्टिट्युट ऑफ सायन्स, एल्फिन्स्टन महाविद्यालय, सिडनहॅम कॉलेज ऑफ कॉमर्स अँड इकॉनॉमिक्स, इन्स्टिट्युट ऑफ फॉरेन्सिक सायन्स अशा संस्थांचे मिळून असलेल्या या विद्यापीठात अनेक भविष्यवेधी अभ्यासक्रमांचा समावेश करण्यात आला आहे. म्हणजेच अप्रेंटिसशिप एम्बेडेड डिग्री कार्यक्रम सुरू केले आहेत.
eduvarta@gmail.com 
एज्युवार्ता न्यूज नेटवर्क
मुंबईतील डॉ. होमी भाभा राज्य विद्यापीठाच्या (Dr. Homi Bhabha State University, Mumbai) पदवी अभ्यासक्रमांसाठी (Degree course) शैक्षणिक वर्ष २०२५-२६ साठीची प्रवेश प्रक्रिया (admission process) सुरु झाली आहे. विद्यार्थ्यांना प्रवेश घेण्यासाठी ऑनलाइन पद्धतीने २६ मेपर्यंत अर्ज करता येणार आहे. प्रवेशासाठीची पहिली गुणवत्ता यादी २८ मे रोजी जाहीर होणार आहे. १६ जूनपासून पदवीचे नियमित वर्ग सुरू करण्याचे नियोजन विद्यापीठाने केले आहे.
केंद्र सरकारच्या पीएम-उषा कार्यक्रमांतर्गत डॉ. होमी भाभा राज्य विद्यापीठाने यंदापासून एईडीपी इन्स्टिट्युट ऑफ सायन्स, एल्फिन्स्टन महाविद्यालय, सिडनहॅम कॉलेज ऑफ कॉमर्स अँड इकॉनॉमिक्स, इन्स्टिट्युट ऑफ फॉरेन्सिक सायन्स अशा संस्थांचे मिळून असलेल्या या विद्यापीठात अनेक भविष्यवेधी अभ्यासक्रमांचा समावेश करण्यात आला आहे. म्हणजेच अप्रेंटिसशिप एम्बेडेड डिग्री कार्यक्रम सुरू केले आहेत.
एल्फिन्स्टन महाविद्यालयात पारंपरिक कला, वाणिज्य आणि विज्ञान अभ्यासक्रमांसोबतच बीएससी (एआय एमएल), बीएससी (डेटा सायन्स अँड अनॅलिटिक्स), बीएससी (सायबर सुरक्षा आणि डिजिटल फॉरेन्सिक) हे अभ्यासक्रमही विद्यार्थ्यांना निवडता येणार आहेत.
सिडनहॅम महाविद्यालयात पारंपरिक बीकॉम अभ्यासक्रमासोबत बीकॉम (बँकिंग व फायनान्शियल अनॅलिटिक्स), बीएससी फायनान्स, बीएससी लक्झरी ब्रँड्स अँड रिटेल मॅनेजमेंट या नव्या अभ्यासक्रमांची सुरुवात झाली आहे. अधिक माहितीसाठी https://hbsu.ac.in/ विद्यार्थ्यांनी या संकेतस्थळाला भेट द्यावी, असे आवाहन विद्यापीठाने केले आहे.
