महाविद्यालयातील खेळाडू कोट्याच्या रिक्त जागेवरील प्रवेश प्रक्रियेत बदल होणार

एज्युवार्ता न्यूज नेटवर्क

महाविद्यालयातील खेळाडू कोट्यातील रिक्त (College player quota) जागेच्या प्रवेश प्रक्रियेत बदल करण्यात येणार आहेत. क्रिडा क्षेत्रात येणाऱ्या अडीअडचणी सोडवण्यासाठी राज्य स्तरावर प्रयत्न करण्यात येत आहेत. खेळाडूंना देण्यात येणाऱ्या प्रवेश नियमात आवश्यक ते बदल (Necessary changes in admission rules) करण्यात येतील, असे मत राज्याचे क्रिडा व युवक कल्याण मंत्री दत्तात्रय भरणे (Dattatreya Bharane) यांनी व्यक्त केले आहे. न्यु मार्डर्न अभियांत्रिकी महाविद्यालय येथील एका कार्यक्रमात ते बोलत होते. यावेळी भारतीय क्रिकेटपटू केदार जाधव (Cricketer Kedar Jadhav), प्रोग्रेसिव्ह एज्युकेशन सोसायटीचे कार्याध्यक्ष डॉ. गजानन एकबोटे (Dr. Gajanan Ekbote) यांच्यासह अन्य मान्यवर आदी उपस्थित होते.

आयुष्यात यश मिळविण्यासाठी प्रबळ इच्छाशक्ती ठेवून ध्येयाने प्रेरित होत वाटचाल करणे आवश्यक आहे. नेहमी धाडस करून नवनवीन वाटा शोधल्या पाहिजेत. विद्यार्थ्यांनी आई-वडिलांचे स्वप्न पूर्ण करण्यासाठी काम करावे. आपल्यापेक्षा वयाने मोठ्या व्यक्तीची आदरपूर्वक सेवा करावी. आयुष्यात मोठ्यामोठ्या संधी उपलब्ध होतात, त्या संधीचे सोने करा. अहंकार बाजूला ठेवून जीवनात नेहमी आनंदी रहा, असा सल्ला मंत्री भरणे यांनी विद्यार्थ्यांना दिला.

________________________________

क्रीडा क्षेत्राला योगदान देण्याकरिता महाविद्यालयात खेळाडू कोट्याकरिता आरक्षित जागेवरच खेळाडूंना प्रवेश मिळावा, जागा रिक्त राहणार नाही याकरीता नियमात बदल होणे आवश्यक आहे. शालेय जीवनापासून क्रीडा क्षेत्राला प्रोत्साहन दिल्यास राज्य, देशाचे नाव उज्ज्वल होण्यास मदत होईल.

- केदार जाधव, भारतीय क्रिकेटपटू

_________________________________

क्रीडापटू म्हणून भारताचे प्रतिनिधित्व करणे ही अभिमानाची गोष्ट आहे. या क्षेत्रातही रोजगाराच्या संधी उपलब्ध आहेत. संस्थेला स्वायत्त संस्थेचा दर्जा असून क्रीडा क्षेत्रात नवनवीन उपक्रम राबवून भरीव योगदान देण्याकरिता संस्थेने प्रयत्नशील रहावे.

- डॉ. गजानन एकबोटे, कार्याध्यक्ष, पीईएस