विद्यार्थ्यांनो..! स्पोर्ट्स ग्रेस गुणांसाठी अर्ज करण्याची ‘ही’ अखेरची मुदत

एज्युवार्ता न्यूज नेटवर्क

दहावी व बारावीच्या खेळाडू विद्यार्थ्यांबाबत (10th, 12th Sports student) अतिशय महत्वाची माहिती समोर आली आहे. दरवर्षी राज्य, राष्ट्रीय व आंतरराष्ट्रीय पातळीवर सहभागी झालेल्या खेळाडू विद्यार्थ्यांना (10th and 12th Standard Who Have Participated in State,National & International Level Sports Competition) मंडळामार्फत ग्रेस गुण दिले जातात. यंदाच्या परीक्षेला बसलेल्या या विद्यार्थ्यांसाठी अर्ज प्रक्रिया (application process) सुरु झाली असून अंतिम कालावधी १५ एप्रिलपर्यंत असणार आहे.

याशिवाय केवळ ऑनलाईन पद्धतीनेच (online mode) विद्यार्थ्यांना अर्ज सादर करता येणार आहेत. इयत्ता दहावी आणि बारावीच्या विद्यार्थ्यांना क्रीडा स्पर्धेतील सहभाग व प्राविण्‍यानुसार दिला जाणाऱ्या ग्रेस गुणांसाठीचे अर्ज यावर्षीपासून आपले सरकार पोर्टलद्वारे केवळ ऑनलाइन पद्धतीने स्वीकारली जाणार आहेत.

यापूर्वी ही प्रक्रिया ऑफलाइन पद्धतीने जिल्हा क्रीडाधिकारी कार्यालयांमार्फत पार पडत होती मात्र, काही त्रुटींमुळे अर्ज सादर करण्यास विलंब होऊन काही विद्यार्थी या लाभापासून वंचित राहत होते म्हणून शिक्षण विभागामार्फत हा निर्णय घेण्यात आला आहे. याबाबत लवकरच परिपत्रक काढणार असल्याचे माध्यमिक व उच्च माध्यमिक मंडळाचे राजेंद्र अहिरे यांनी सांगितले आहे.

अर्ज करण्यासाठी कोणते कागदपत्र लागणार?

अर्ज करण्यासाठी विद्यार्थ्यांना हॉलतिकीट, खेळामध्ये मिळालेले प्रमाणपत्र तसेच विद्यार्थी आणि शाळेची विहित नमुन्यात माहिती इत्यादी कागदपत्रांची आवश्यकता लागणार आहे

दरम्यान, विद्यार्थ्यांनी किंवा शाळांनी प्रत्यक्षपणे अर्ज सादर करू नये. आपले सरकार पोर्टल किंवा ॲपवर लॉगिन करून अर्ज भरावा. खेळाशी संबंधित प्रमाणपत्रांची माहिती अपलोड करावी. अर्जाची स्थिती पोर्टलवर नियमित तपासावी आणि शाळा व महाविद्यालयाच्या शिक्षकांनी आपल्या विद्यार्थ्यांच्या अर्जाची नोंद घ्यावी अशा सूचनाही शिक्षण विभागामार्फत देण्यात आल्या आहेत.