नोकरीसाठी चेंगराचेंगरीची स्थिती ; 600 जागांसाठी हजारोंच्या संख्येने आला बेरोजगारांचा लोंढा

एज्युवार्ता न्यूज नेटवर्क 

मुंबई ही स्वप्नांची नगरी असली तरीही बेरोजगारीचे भयाण वास्तव समोर आले आहे. Air India Airport Services Ltd मध्ये अवघ्या 600 जागांसाठी तब्बल 25 हजार हजार बेरोजगारांचा लोंढा आला. त्यामुळे याठिकाणी काही वेळासाठी चेंगराचेंगरीची परिस्थिती (A stampede situation) निर्माण झाल्याचे चित्र नुकत्याच व्हायरल झालेल्या व्हिडीओमध्ये दिसत आहे. एअर इंडियाकडून Maintenance Staff साठी मुलाखती ठेवण्यात आल्या होत्या. मात्र, प्रचंड जमावामुळे परिस्थिती नियंत्रणाबाहेर गेल्याचे लक्षात आल्यानंतर एअर इंडियाकडून अर्जदारांना केवळ त्यांचे बायोडेटा सबमिट करण्यास आणि नंतर परिसर सोडण्यास सांगण्यात आले. 

लोडर म्हणून कामासाठी अनेक उच्चशिक्षित उमेदवार आले होते. विमानतळावर एअरपोर्ट लोडर्सकडे विमानात सामान लोड करणे आणि उतरवणे आणि बॅगेज बेल्ट आणि रॅम्प ट्रॅक्टर चालवणे हे काम असते. नोकरी शोधणाऱ्यांना अन्नपाण्याशिवाय तासन तास  थांबावे लागले, त्यामुळे अनेकांना या गर्दीत अस्वस्थ वाटत होते. या मुलाखतीच्या ठिकाणी जमलेल्या गर्दीचे सोशल मीडियावर व्हिडिओ वायरल होत आहेत. या गर्दीमुळे वाहतूक कोंडी देखील झाली. 

मीडिया रिपोर्ट्सनुसार, अर्जदार विमानतळ लोडर्सच्या 600 रिक्त पदांवर त्यांचे नशीब आजमावण्यासाठी आले. मात्र, यावेळी तब्बल 25 हजार तरूण बेरोजगारांचा लोंढा आला. त्यामुळे गर्दी सांभाळण्यासाठी एअरलाइन्सचे कर्मचारी प्रयत्न करत होते. पण त्यांना ते जमलेच नाही. जमावाचे व्हिडिओ आता सोशल मीडियावर वायरल होत आहेत . ज्यात अर्जदार फॉर्म काउंटरवर पोहोचण्यासाठी एकमेकांशी धक्काबुक्की करताना दिसत आहेत.

 व्हिडिओ पाहण्यासाठी लिंक :https://www.youtube.com/shorts/FxtbWHyf-zg