एलिमेंटरी व इंटरमिजिएट ड्रॉइंग ग्रेड परीक्षा 2025 चे वेळापत्रक जाहीर

एज्युवार्ता न्यूज नेटवर्क 

राज्याच्या कला शिक्षण मंडळातर्फे एलिमेंटरी व इंटरमिजिएट ड्रॉइंग ग्रेड परीक्षेचे (2025) वेळापत्रक जाहीर (Schedule for Elementary and Intermediate Drawing Grade Examination announced)करण्यात आले आहे. येत्या 24 सप्टेंबर ते 27 सप्टेंबर या कालावधीत या परीक्षा घेतल्या जाणार आहेत. या परीक्षेसाठी 21 जुलै ते 24 ऑगस्ट या कालावधीपर्यंत विद्यार्थ्यांची नोंदणी करता येणार आहे. तसेच 12 सप्टेंबरनंतर विद्यार्थी नोंदणीसाठी कोणतीही मुदतवाढ दिली जाणार नाही.

राज्याच्या कला शिक्षण मंडळातर्फे शासकीय रेखा कला परीक्षा अर्थात एलिमेंटरी व इंटरमिजिएट ड्रॉइंग ग्रेड परीक्षा घेतली जाते. शासकीय रेखा कला परीक्षे करिता विद्यार्थ्यांची नाव नोंदणी करताना फक्त एकच परीक्षेसाठी नोंदणी करता येते.विद्यार्थ्यांच्या नावामध्ये चूक होऊ नये याकरिता सर्वसाधारण नोंदवहीतील (जनरल रजिस्टरप्रमाणे) नाव अचूक नोंदवणे आवश्यक आहे. परीक्षा केंद्राची नोंदणी, विद्यार्थ्यांची नोंदणी आणि परीक्षा शुल्क ऑनलाईन पद्धतीने भरण्यासाठी https://www.msbae.ac.in आणि  https://dge.msbae.in या लिंकवर संपर्क साधावा, असे आवाहन करण्यात आले आहे.

एलिमेंटरी ड्रॉईंग ग्रेड परीक्षेतील वास्तूचित्र या विषयाची परीक्षा 24 सप्टेंबर रोजी सकाळी 10.30 ते दुपारी 1 या कालावधीत घेतली जाईल तर स्मरणचित्र या विषयाची परीक्षा दुपारी 2 ते 4 या वेळेत होईल 25 सप्टेंबर रोजी संकल्पचित्र नक्षीकाम या विषयाची परीक्षा सकाळी 10.30 ते 1 या कालावधीत तर कर्तव्य भूमिका व अक्षरलेखन या विषयाची परीक्षा दुपारी 2 ते 4 या वेळेत होणार आहे. तसेच इंटरमिजिएट ड्रॉइंग ग्रेड परीक्षा 26 व 27 सप्टेंबर रोजी होणार आहे.