SRTMUN NEWS : PET Exam २८ डिसेंबरला; ५ हजार विद्यार्थी देणार परीक्षा
स्वामी रामानंद तीर्थ मराठवाडा विद्यापीठातर्फे आयोजित पीएच.डी. प्रवेशपूर्व पेट-२०२४ परीक्षा २८ डिसेंबर रोजी सकाळी ११ ते दुपारी २ वाजेच्या सुमारास घेण्यात येणार आहे. महाराष्ट्र आणि इतर राज्यातून जवळपास ५ हजार पेक्षा अधिक विद्यार्थी ही परीक्षा देणार आहेत.
eduvarta@gmail.com 
एज्युवार्ता न्यूज नेटवर्क
स्वामी रामानंद तीर्थ मराठवाडा विद्यापीठातर्फे (Swami Ramanand Tirtha Marathwada University) आयोजित पीएच.डी. प्रवेशपूर्व पेट-२०२४ परीक्षा (Ph.D. Pre-Entrance PET-2024 Exam) २८ डिसेंबर रोजी सकाळी 11 ते दुपारी 2 या दरम्यान घेण्यात येणार आहे. महाराष्ट्र आणि इतर राज्यातून जवळपास ५ हजारापेक्षा अधिक विद्यार्थी ही परीक्षा (5 thousand students will take the exam) देणार आहेत. या परीक्षेसाठी विद्यापीठाने लातूर, नांदेड, परभणी या तीन जिल्ह्यांमध्ये आयोजन केले आहे. परीक्षा केंद्रे विद्यापीठाच्या संकेतस्थळावर प्रसिद्ध करण्यात आली आहेत.
विद्यापीठाकडून घेण्यात येणार्या पेट-२०२४ साठी परीक्षा केंद्रे संकेतस्थळावर प्रसिद्ध करण्यात आली आहेत. त्यानुसार नांदेड शहरातील पीपल्स कॉलेज, सायन्स कॉलेज, नेताजी सुभाषचंद्र बोस कॉलेज, प्रतिभा निकेतन महाविद्यालय, वसंतराव नाईक कॉलेज, नारायणराव चव्हाण लॉ कॉलेज, आयटीएम कॉलेज आणि एमजीएम कॉलेज या महाविद्यालयांमध्ये ही परीक्षा घेतली जाणार आहे.
तर लातूर शहरात दयानंद कॉलेज ऑफ आर्ट्स या महाविद्यालयामध्ये परीक्षा केंद्र दिलेले आहे. परभणी आणि हिंगोली जिल्ह्यातील महाविद्यालयांसाठी परभणी येथील ज्ञानोपासक महाविद्यालयामध्ये पेट- २०२४ परीक्षेचे आयोजन करण्यात आलेले आहे. ज्या महाविद्यालयामध्ये पीएच.डी. पेट परीक्षा २०२४ साठी परीक्षा केंद्र देण्यात आलेले आहे त्या महाविद्यालयाच्या प्राचार्यांनी सदर परीक्षेच्या पूर्व तयारीचे सर्व कामे करून परीक्षा सुरळीत पार पाडाव्यात, अशा सूचना देण्यात आल्या आहेत.
