SPPU: विद्यापीठाची कमिटी आर्मी लॉ कॉलेजच्या चौकशीला गेली; पण हात हालवत आली
विद्यापीठाच्या चौकशी समितीला कोणतीही चौकशी न करता मोकळ्या हाताने मागे यावे लागले.त्यामुळे संलग्न असलेले आर्मी लॉ कॉलेज विद्यापीठापेक्षा मोठे झाले का? असा सवाल उपस्थित होत आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाशी (Savitribai Phule Pune University)संलग्न आर्मी लॉ कॉलेजच्या (Army Law College) विद्यार्थ्यांनी काही दिवसांपूर्वी कॉलेजच्या प्राचार्यांच्या दालनासमोर ठिय्या आंदोलन (students protest) केले.तसेच कॉलेजचे प्राचार्य व रजिस्टार यांच्याकडून विद्यार्थ्यांना वाईट वागणूक दिली जात असल्याचा आरोप करत आंदोलक विद्यार्थ्यांनी प्राचार्यांच्या राजीनाम्याची (resignation of the principal) मागणी केली. या घटनेच्या पार्श्वभूमीवर विद्यापीठाने याबाबत चौकशी समिती स्थापन केली.मात्र,विद्यापीठाच्या चौकशी समितीला कोणतीही चौकशी न करता मोकळ्या हाताने मागे यावे लागले.त्यामुळे संलग्न असलेले आर्मी लॉ कॉलेज विद्यापीठापेक्षा मोठे झाले का? असा सवाल उपस्थित होत आहे.
आर्मी लॉ कॉलेजच्या विद्यार्थ्यांनी विविध मागण्यांसाठी महाविद्यालयाच्या आवारात आंदोलन केले होते.कॉलेजमध्ये पायाभूत सुविधांचा आभावा आहे.विद्यार्थ्यांना फायनान्स व अकाउंटन्सी शिकवण्यासाठी शिक्षक उपलब्ध नाहीत. कॉलेजचे विद्यार्थी विविध स्पर्धांमध्ये सहभागी होण्यासाठी गेल्यास त्यांची शैक्षणिक रजा मंजूर केली जात नाही. त्यामुळे विद्यार्थ्यांनी आंदोलनाचे हत्यार उगारले होते. अखेर विद्यापीठाने या प्रकरणी चौकशी करण्यासाठी विधी विद्याशाखेच्या महाविद्यालयाच्या प्रचार्यांची समिती नियुक्त केली होती. या समितीने महाविद्यालयाला भेट दिली. मात्र, महाविद्यालय प्रशासनाने समितीला कोणतीही चौकशी करून दिली नाही.
आर्मी लॉ कॉलेज हे विद्यापीठाशी संलग्न असले तरी आर्मीचे काही प्रोटोकॉल आहेत.त्यामुळे विद्यापीठाच्या समितीला अशा पध्दतीने चौकशी करता येणार नाही,असे चौकशी करण्यासाठी गेलेल्या समितीला सांगण्यात आले.त्यामुळे विद्यार्थ्यांचे प्रश्न समजून घेऊन ते सोडवण्याच्या दृष्टीने गेलेल्या समितीला काहीही करता आले नाही.त्यामुळे विद्यापीठ प्रशासन याबाबत काय निर्णय घेणार हे पाहणे उत्सुकतेचे ठरणार आहे.
-----------------------------------------------------------------------------------------------------
आर्मी लॉ कॉलेजच्या विद्यार्थ्यांनी केलेल्या आंदोलनाच्या पार्श्वभूमीवर सावित्रीबाई फुले पुणे विद्यापीठाने या प्रकरणाची चौकशी करण्यासाठी समिती स्थापन केली आहे.समितीचा अहवाल विद्यापीठाला प्राप्त झाल्यानंतर विद्यापीठाकडून पुढील निर्णय घेतला जाईल. तसेच विद्यापीठाचे सर्व अधिष्ठाता यांच्या समितीमध्ये याबाबत चर्चा केली जाईल.
- अधिष्ठाता, मानवविज्ञान, विद्यायशाखा,सावित्रीबाई फुले पुणे विद्यापीठ, पुणे
