सीईटी सेलमार्फत एलएलबी ३ वर्ष व बी. एड अभ्यासक्रमासाठी नोंदणी सुरू
सीईटी सेलने प्रसिद्ध केलेल्या माहितीनुसार, एलएलबी ३ वर्ष अभ्यासक्रमाच्या विद्यार्थ्यांना ८ जानेवारीपासून अर्ज नोंदणी करता येणार आहे. तर २३ जानेवारी ही अर्ज भरण्याची अंतिम मुदत देण्यात आली आहे. तसेच २७ मार्च ते २९ मार्च या कालावधीत परीक्षा घेण्यात येणार आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य सामाईक प्रवेश परीक्षा (Maharashtra State Common Entrance Test) कक्षामार्फत घेण्यात येणाऱ्या एलएलबी आणि बीएड प्रवेश पूर्व परीक्षांचे वेळापत्रक (Entrance examination schedule) प्रसिद्ध करण्यात आले आहे. सीईटी सेलने एलएलबी ३ वर्ष व बी.एड (जनरल आणि स्पेशल) आणि बी.एड ईएलसीटी अभ्यासक्रमाच्या (LLB (3 years) and B.Ed. courses) प्रवेश पूर्व परीक्षेच्या नोंदणी अर्जासाठी (Exam application registration has started) आज बुधवार ८ जानेवारीपासून सुरूवात केली आहे. विशेष म्हणजे यासाठी विद्यार्थ्यांना अपार आईडी अनिर्वाह करण्यात आला आहे.
हेही वाचा - मुंबई उच्च न्यायालयातील विविध पदभरती अर्जासाठी 'या' तारखेपर्यंत मुदतवाढ
सीईटी सेलने प्रसिद्ध केलेल्या माहितीनुसार, एलएलबी ३ वर्ष अभ्यासक्रमाच्या विद्यार्थ्यांना ८ जानेवारीपासून अर्ज नोंदणी करता येणार आहे. तर २३ जानेवारी ही अर्ज भरण्याची अंतिम मुदत देण्यात आली आहे. तसेच २७ मार्च ते २९ मार्च या कालावधीत परीक्षा घेण्यात येणार आहे. सीईटी सेलने अद्याप ५ वर्षांच्या एलएलबी अभ्यासक्रमांबाबत कोणतीही सूचना जारी केलेली नाही. इच्छुकांनी हे लक्षात ठेवावे की ३ वर्षांच्या आणि ५ वर्षांच्या एलएलबी अभ्यासक्रमांचा अर्ज स्वतंत्रपणे भरावा लागेल.
बी.एड (जनरल आणि स्पेशल) आणि बी.एड ईएलसीटी-सीईटी साठी देखील आज ८ जानेवारीपासून प्रवेश पूर्व परीक्षेच्या नोंदणीसाठी सुरूवात करण्यात आली आहे. तर २३ जानेवारी ही अर्ज भरण्याची अंतिम मुदत आहे. तसेच परीक्षा ही १ एप्रिल २ एप्रिल रोजी घेण्यात येणार आहे. यासाठी विद्यार्थ्यांना cetcell.mahacet.org या अधिकृत वेबसाइटवर अर्ज करावा लागेल. वरील दोन्ही परीक्षांच्या तारखा या संभाव्य आहेत.
सीईटी नोंदणीसाठी अपार आईडी आयडी अनिवार्य आहे. ज्या उमेदवारांनी अद्याप त्यांचा अपार आईडी जनरेट केलेला नाही त्यांनी तो डिजीलॉकरद्वारे तयार करावा. उमेदवारांना पुढील अपडेट्स, तपशीलवार वेळापत्रक आणि परीक्षेशी संबंधित सूचनांसाठी नियमितपणे राज्य सामायिक प्रवेश परीक्षा कक्षाच्या अधिकृत वेबसाइटला भेट देण्याचा सल्ला देण्यात येत आहे. या परीक्षेसाठी ऑनलाइन अर्ज नोंदणी वेळापत्रक आणि माहिती पुस्तिका राज्य सामायिक प्रवेश परीक्षा कक्षाच्या www.mahacet.org या अधिकृत वेबसाइटवर उपलब्ध करून देण्यात आली आहे.
