एमसीए आणि एम. एचएमसीटी सीईटीच्या प्रवेश नोंदणीस सुरुवात
सीईटी सेलने प्रसिद्ध केलेल्या माहितीनुसार, मास्टर ऑफ कॉम्प्युटर अॅप्लिकेशन (एमसीए) अभ्यासक्रमासाठी ७ जानेवारीपासून अर्ज नोंदणी सुरू करण्यात आली आहे. तर ९ फेब्रुवारी ही अर्ज भरण्याची अंतिम मुदत देण्यात आली आहे. तसेच २५ मार्च ही परीक्षेची संभाव्य तारीख देण्यात आली आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य सामाईक प्रवेश परीक्षा (Maharashtra State Common Entrance Test) कक्षामार्फत शैक्षणिक वर्ष २०२६-२७ मधील घेण्यात येणाऱ्या मास्टर ऑफ कॉम्प्युटर अॅप्लिकेशन (एमसीए) व मास्टर ऑफ हॉटेल मॅनेजमेंट अँड केटरिंग टेक्नॉलॉजी (एम. एचएमसीटी) या दोन अभ्यासक्रमाच्या सीईटीच्या (MCA And MHMCET course CET) प्रवेश नोंदणी सुरु झाली आहे. सीईटी सेलने एमसीए आणि एम.एचएमसीटी अभ्यासक्रमाच्या प्रवेश पूर्व परीक्षेच्या नोंदणी अर्जासाठी (Exam application registration has started) मंगळवार ७ जानेवारीपासून सुरूवात केली आहे. विशेष म्हणजे या दोन्ही अभ्यासक्रमाच्या नोंदणीसाठी विद्यार्थ्यांना अपार आईडी अनिर्वाह करण्यात आले आहे. या परीक्षेसाठी ऑनलाईन अर्ज, नोंदणी वेळापत्रक आणि माहिती पुस्तिका सीईटी कक्ष https://www.mahacet.org या अधिकृत संकेतस्थळावर उपलब्ध करण्यात आली आहे. यापूर्वी सीईटी कक्षाने एमएड व एम.पी.एड. अभ्यासक्रमासाठी नोंदणी प्रक्रिया सुरू केली आहे.
हेही वाचा - सीईटी सेलमार्फत एलएलबी ३ वर्ष व बी. एड अभ्यासक्रमासाठी नोंदणी सुरू
सीईटी सेलने प्रसिद्ध केलेल्या माहितीनुसार, मास्टर ऑफ कॉम्प्युटर अॅप्लिकेशन (एमसीए) अभ्यासक्रमासाठी ७ जानेवारीपासून अर्ज नोंदणी सुरू करण्यात आली आहे. तर ९ फेब्रुवारी ही अर्ज भरण्याची अंतिम मुदत देण्यात आली आहे. तसेच २५ मार्च ही परीक्षेची संभाव्य तारीख देण्यात आली आहे. २०२५-२६ मधील एमसीए सीईटी प्रवेश परीक्षेसाठी ५६ हजार २५७ विद्यार्थ्यांनी नोंदणी केली होती. तर एम. एचएमसीटी सीईटी या प्रवेश परीक्षेसाठी ८० विद्यार्थ्यांनी नोंदणी केली होती.
मास्टर ऑफ हॉटेल मॅनेजमेंट अँड केटरिंग टेक्नॉलॉजी (एम. एचएमसीटी) देखील ७ जानेवारीपासून प्रवेश पूर्व परीक्षेच्या नोंदणीसाठी सुरूवात करण्यात आली आहे. तर १० फेब्रुवारी ही अर्ज भरण्याची अंतिम मुदत आहे. तसेच ३० मार्च ही परीक्षेची संभाव्य तारीख देण्यात आली आहे.
ज्या उमेदवारांनी अद्याप त्यांचा अपार आईडी जनरेट केलेला नाही त्यांनी तो डिजीलॉकरद्वारे तयार करावा. उमेदवारांना पुढील अपडेट्स, तपशीलवार वेळापत्रक आणि परीक्षेशी संबंधित सूचनांसाठी नियमितपणे राज्य सामायिक प्रवेश परीक्षा कक्षाच्या अधिकृत वेबसाइटला भेट देण्याचा सल्ला देण्यात येत आहे. या परीक्षेसाठी ऑनलाइन अर्ज नोंदणी वेळापत्रक आणि माहिती पुस्तिका राज्य सामायिक प्रवेश परीक्षा कक्षाच्या www.mahacet.org या अधिकृत वेबसाइटवर उपलब्ध करून देण्यात आली आहे.
