नागपूर महापालिकेत विविध पदांसाठी भरती सुरू

एज्युवार्ता न्यूज नेटवर्क

सरकारी नोकरीच्या शोधात असलेल्या विद्यार्थ्यांसाठी महत्त्वाची बातमी समोर आली आहे. नागपूर महानगरपालिकेत (Nagpur Municipal Corporation Recruitment) विविध पदांसाठी भरती प्रक्रिया सुरू (Recruitment process begins) करण्यात आली आहे. त्यासाठी इच्छुक आणि पात्र उमेदवारांकडून २६ ऑगस्टपासून ऑनलाईन पद्धतीने अर्ज मागवण्यात येत आहेत. या भरती मोहिमेअंतर्ग विविध पदांच्या १७४ रिक्त जागा भरण्यात येणार आहेत. त्यासाठी अर्ज करण्याची अंतिम मुदत ९ सप्टेंबर (Deadline September 9th) देण्यात आली आहे.

या भरती मोहिमेअंतर्गत कनिष्ठ लिपिक- ६०, विधी सहायक- ६, कर संग्राहक- ७४, ग्रंथालय सहायक- ८, स्टेनोग्राफर- १०, लेखापाल- १०, सिस्टीम अॅनॅलिस्ट-१०, हार्डवेअर इंजिनीअर-२, डेटा मॅनेजर-१, प्रोग्रामर-२ अशा एकूण १७४ जागा भरण्यात येणार आहेत. त्यासाठी नागपूर महानगरपालिकेचे अधिकृत संकेतस्थळ https://nmcnagpur.gov.in वर जाऊन दिनांक २६ ऑगस्ट ते ९ सप्टेंबर २०२५ या कालावधीत उमेदवारांनी ऑनलाईन अर्ज सादर करण्याचे आवाहन मनपा प्रशासनाने केले आहे.

ऑनलाईन अर्ज सादर करण्याचा व परीक्षा शुल्क भरण्याची अंतिम दिनांक ९ सप्टेंबर २०२५ आहे. परीक्षेची सविस्तर जाहिरात दिनांक २२ ऑगस्ट रोजी मनपाच्या संकेतस्थळावर प्रसिद्ध करण्यात आली आहे. सदर परीक्षा ही संगणक आधारित चाचणी पद्धतीने घेण्यात येईल. या भरतीसाठी कोणतेही अर्ज ऑफलाईन पद्धतीने स्वीकारले जाणार नाहीत. अर्जदारांना ऑनलाईन पद्धतीनेच अर्ज करणे बंधनकारक असल्याने पालिका प्रशासनाकडून सांगण्यात आले आहे. शैक्षणिक पात्रता, परीक्षा शुल्क आणि वयोमर्यादा यासाठी विद्यार्थ्यांनी संकेतस्थळावर प्रसिद्ध करण्यात आलेल्या जाहिरातीमधील तपशील वाचवा.