NIRF मध्ये महाराष्ट्र कुठे? पुणे विद्यापीठासह सिम्बायोसिस, डी.वाय.पाटील, भारती, मेघे संस्था पहिल्या शंभरात

सावित्रीबाई फुले पुणे विद्यापीठाच्या ओव्हरऑल तसेच विद्यापीठ गटातील रँकिंगमध्ये मोठ्या प्रमाणात घसरण झाली आहे. असे असले तरी महाराष्ट्रात विद्यापीठ अनुक्रमे चौथ्या व दुसऱ्या क्रमांकावर आहे.

Jun 5, 2023 - 02:07 Updated: Jun 5, 2023 - 02:20

NIRF मध्ये महाराष्ट्र कुठे? पुणे विद्यापीठासह सिम्बायोसिस, डी.वाय.पाटील, भारती, मेघे संस्था पहिल्या शंभरात

NIRF Ranking 2023

एज्युवार्ता न्यूज नेटवर्क

केंद्रीय शिक्षण मंत्रालयाने सोमवारी जाहीर केलेल्या नॅशनल इन्स्टिट्युशनल रँकिंग फ्रेमवर्क (NIRF 2023) मध्ये पहिल्या शंभरात महाराष्ट्रातील (Maharashtra) अकरा शैक्षणिक संस्थांनी स्थान मिळवले आहे. मागील वर्षी या यादीत १२ संस्था होता. तर विद्यापीठ गटात यंदा शंभरात दहा संस्था असून मागील वर्षीच्या तुलनेत तीन संस्था कमी झाल्या आहेत. ओव्हरऑल रँकिंगमध्ये मुंबईतील इंडियन इन्स्टिट्यूट ऑफ टेक्नॉलॉजी तर विद्यापीठांमध्ये होमी भाभा राष्ट्रीय संस्था हे अभिमत विद्यापीठ महाराष्ट्रात पहिल्या क्रमांकावर आहे.

सावित्रीबाई फुले पुणे विद्यापीठाच्या ओव्हरऑल तसेच विद्यापीठ गटातील रँकिंगमध्ये मोठ्या प्रमाणात घसरण झाली आहे. असे असले तरी महाराष्ट्रात विद्यापीठ अनुक्रमे चौथ्या व दुसऱ्या क्रमांकावर आहे. विद्यापीठ गटात मागील वर्षी पुणे विद्यापीठ पहिल्या क्रमांकावर होते. यावर्षी ही जागा होमी भाभा राष्ट्रीय संस्थेने घेतली आहे.

NIRF 2023 : सावित्रीबाई फुले पुणे विद्यापीठाच्या रँकिंगमध्ये मोठी घसरण; देशात ३५ व्या क्रमांकावर

ओव्हरऑल रँकिंगमध्ये यंदाही महाराष्ट्रात मुंबईतील आयआयटीने अव्वल स्थान पटकावले आहे. त्याखालोखाल होमी भागा संस्था, पुण्यातील आयसर या संस्था आहेत. त्याचप्रमाणे सिम्बायोसिस विद्यापीठ, वर्धा येथील दत्ता मेघे संस्था, पुण्यातील डी. वाय. पाटील विद्यापीठ आणि मुंबई विद्यापीठाने पहिल्या शंभरात स्थान मिळवले आहे. मुंबई विद्यापीठाचे रँकिंगही घसरले आहे.

विद्यापीठ गटामध्ये महाराष्ट्रातील दहा संस्था पहिल्या शंभरात आहे. त्यामध्ये होमी भाभा संस्था, पुणे विद्यापीठानंतर मुंबईतील आयसीटी आणि सिम्बायोसिस विद्यापीठाचा क्रमांक लागतो. तसेच या यादीत भारती विद्यापीठ व टाटा सामाजिक विज्ञान संस्थेनेही स्थान मिळवले आहे. मागील डॉ. बाबासाहेब आंबेडकर मराठवाडा विद्यापीठ या यादीत ८३ व्या क्रमांकावर होते. पण यंदा या विद्यापीठाने पहिल्या शंभरातील स्थान गमावले आहे.

कुलगुरू पदासाठी आता उरले तिघे ; पुणे विद्यापीठातील दोघांची नावे मागे पडली

ओव्हरऑल रँकिंगमध्ये महाराष्ट्रातील संस्था (कंसात ओव्हरऑल रँकिंग)