BMC मध्ये ६९० अभियंता पदांची भरती प्रक्रिया जाहीर, ११ नोव्हेंबरपासून अर्ज सुरू
बृहन्मुंबई महापालिकेच्या नगर अभियंता मध्यवर्ती कार्यालयामार्फत विविध पदांच्या ६९० जागांसाठी भरती प्रक्रिया जाहीर करण्यात आली आहे. इच्छुक आणि पात्र असलेले उमेदवार ११ नोव्हेंबरपासून अर्ज करू शकतात. अर्ज हा ऑनलाईन पद्धतीने करायचा असून त्याची अंतिम मुदत २ डिसेंबर देण्यात आली आहे.
eduvarta@gmail.com 
एज्युवार्ता न्यूज नेटवर्क
नोकरीच्या प्रतीक्षेत असलेल्या तरूणांसाठी महत्त्वाची अपडेट समोर आली आहे. बृहन्मुंबई महापालिकेच्या (Brahmumbai Municipal Corporation) नगर अभियंता मध्यवर्ती कार्यालयामार्फत विविध पदांच्या ६९० जागांसाठी भरती प्रक्रिया जाहीर (Recruitment process announced) करण्यात आली आहे. इच्छुक आणि पात्र असलेले उमेदवार ११ नोव्हेंबरपासून अर्ज करू शकतात. अर्ज हा ऑनलाईन पद्धतीने करायचा असून त्याची अंतिम मुदत २ डिसेंबर (Deadline is December 2) देण्यात आली आहे. कनिष्ठ अभियंता (स्थापत्य), कनिष्ठ अभियंता (यांत्रिकी व विद्युत), दुय्यम अभियंता (स्थापत्य), दुय्यम अभियंता (यांत्रिकी व विद्युत) (Recruitment for Engineer posts) या चार पदांसाठी ही भरती प्रक्रिया राबवली जाणार आहे.
गट - 'क' मध्ये येणाऱ्या कनिष्ठ अभियंता (स्थापत्य) आणि कनिष्ठ अभियंता (यांत्रिकी व विद्युत) या पदाच्या एकूण अनुक्रमे २५० आणि १३० जागा भरल्या जाणार आहेत. तर गट - 'ब' मध्ये येणाऱ्या दुय्यम अभियंता (स्थापत्य) आणि दुय्यम अभियंता (यांत्रिकी व विद्युत) पदांच्या अनुक्रमे २३३ आणि ७७ जागा भरल्या जाणार आहेत. जाहिरातीमध्ये बिंदू नियमावली तयार करण्यात आली असून, वेगवेगळ्या प्रवर्गासाठी जागांचे विभाजन करण्यात आले आहे.
मुंबई महापालिकेने सध्या या पदांसाठी शैक्षणिक पात्रता, वय मर्यादा आणि परीक्षा शुल्क याविषयी अधिक माहिती दिलेली नाही. मात्र, मुंबई महापालिकेच्या वेबसाईटवर असलेल्या जुन्या पत्रकानुसार कनिष्ठ अभियंता स्थापत्य या पदासाठी अर्ज करणाऱ्या उमेदवाराने दहावी उत्तीर्ण झाल्यानंतर तीन वर्षांची स्थापत्य, कंस्ट्रक्शन टेक्नोलॉजी,पब्लिक हेल्थ इंजिनिअरिंगमधील पदविका उत्तीर्ण असणे आवश्यक आहे. दहावीच्या परीक्षेत मराठी विषय घेऊन उत्तीर्ण झालेले असणे आवश्यक आहे. याशिवाय एमएसआयटी किंवा समकक्ष परीक्षा उत्तीर्ण असणे आवश्यक आहे.
