न्यू इंडिया ॲश्युरन्समध्ये अधिकारी स्तरावरील पदांची भरती सुरू
पहिला टप्पा (प्रिलिम्स) परीक्षा तात्पुरती 13 ऑक्टोबर 2024 रोजी होणार आहे, तर दुसरा टप्पा (मुख्य परीक्षा) 17 नोव्हेंबर 2024 रोजी होणार आहे.
eduvarta@gmail.com 
विमा क्षेत्रात सरकारी नोकरी करू इच्छिणाऱ्यांसाठी एक उत्तम संधी आली आहे. न्यू इंडिया ॲश्युरन्स (New India Assurance Co. Ltd.) भारत सरकारच्या कंपनीने अधिकारी स्तरावरील पदांसाठी भरती प्रक्रिया (Recruitment process) सुरू केली आहे. या भरतीसाठी अर्ज प्रक्रिया (Application Process) उद्या म्हणजे 10 सप्टेंबर 2024 पासून सुरू होत असून अर्ज करण्याची अंतिम तारीख 29 सप्टेंबर 2024 आहे. इच्छुक उमेदवार newindia.co.in च्या अधिकृत वेबसाइटला भेट देऊन अर्ज करू शकतात.
NAICL द्वारे जारी केलेल्या या भरती अंतर्गत, स्केल I अधिकारी जनरल (Scale I Officer General) आणि विशेषज्ञ श्रेणींमध्ये (specialist categories) नियुक्त्या केल्या जाणार आहेत. या मोहिमेद्वारे अकाउंट्सची ५० पदे आणि जनरलिस्टची १२० पदे भरण्यात येणार आहेत.
जनरलिस्ट पदासाठी अर्ज करणाऱ्या उमेदवारांकडे किमान ६०% गुणांसह मान्यताप्राप्त विद्यापीठातून पदवी किंवा पदव्युत्तर पदवी असणे आवश्यक आहे. आरक्षित श्रेणींसाठी किमान गुण ५५% निश्चित करण्यात आले आहेत. अकाउंट्स पोस्टसाठी, उमेदवारांकडे ६०% गुणांसह CA/ICWAI किंवा MBA/PGDM (फायनान्स) किंवा MCom पदवी असावी. या भरतीसाठी उमेदवाराचे वय किमान २१ वर्षे आणि कमाल ३० वर्षे असावे. राखीव प्रवर्गांना कमाल वयोमर्यादेत सूट देण्यात आली आहे.
पहिला टप्पा (प्रिलिम्स) परीक्षा तात्पुरती 13 ऑक्टोबर 2024 रोजी होणार आहे, तर दुसरा टप्पा (मुख्य परीक्षा) 17 नोव्हेंबर 2024 रोजी होणार आहे. प्रिलिम परीक्षेत १०० गुणांचे वस्तुनिष्ठ प्रश्न विचारले जातील. ज्यामध्ये इंग्रजी, रिझनिंग, क्वालिटेटिव्ह ॲप्टिट्यूड आणि जनरल अवेअरनेसशी संबंधित प्रश्न असतील. मुख्य परीक्षा वर्णनात्मक असेल, ज्यामध्ये उमेदवारांच्या व्यावसायिक ज्ञानाचे मूल्यमापन केले जाईल. अधिक तपशीलांसाठी उमेदवार अधिकृत साइटची मदत घेऊ शकतात.
