MPSC : राज्यसेवा परीक्षेत जागावाढ करून, उमेदवारांना संधी द्या; राजू शेट्टी
२०२४ मध्ये होणारी राज्यसेवेची परिक्षा Objection Pattern ची ही शेवटची संधी असणार आहे. अशा वेळी शासनाकडून जास्तीत जास्त जागांची वाढ करून, तरूणांना भविष्य घडवण्याची संधी उपलब्ध करून द्यावी, अशा मागणीचे पत्र माजी खासदार राजू शेट्टी यांनी मुख्यमंत्री फडणवीस यांना लिहिले आहे.
eduvarta@gmail.com 
एज्युवार्ता न्यूज नेटवर्क
मुख्यमंत्री देवेंद्र फडणवीस (Chief Minister Devendra Fadnavis) आपण राज्यसेवेची (State Service Competitive Examination) तयारी करणाऱ्या महाराष्ट्रातील लाखो स्पर्धकांना Objective Pattern च्या अतिरिक्त दोन संधी उपलब्ध करून दिल्या. मात्र, यातील 2023 वेळी अत्यंत कमी जागांसाठी जाहिरात काढली गेली. सध्या २०२४ मध्ये होणारी राज्यसेवेची परिक्षा Objection Pattern ची ही शेवटची संधी असणार आहे. अशा वेळी शासनाकडून जास्तीत जास्त जागांची वाढ (Increase in maximum seats) करून, तरूणांना भविष्य घडवण्याची संधी उपलब्ध करून द्यावी, अशा मागणीचे पत्र माजी खासदार राजू शेट्टी यांनी मुख्यमंत्री फडणवीस यांना लिहिले आहे.
वर्ग 1 आणि वर्ग 2 च्या पदांचे एकुण 35 संवर्ग राज्यसेवेत येतात. त्यातील DySP, तहसीलदार, नायब तहसीलदार, Excise SP, उपशिक्षणाधिकारी, मुख्याधिकारी-वर्ग १ व यांसहीत तब्बल 16 संवर्गातील एकाही पदाचा समावेश यंदाच्या जाहिरातीमध्ये नाहीत. माहिती आधिकारात मिळालेल्या माहितीनुसार, एकट्या उपशिक्षणाधिकारी या पदाच्या तब्बल 347 जागा रिक्त आहेत. यातील किमान 100 जागांचा समावेश 2024 च्या जाहिरातीत करावा. व इतर उर्वरित 15 संवर्गातील पदे देखील वाढवून विद्यार्थ्यांना न्याय देणे गरजेचे आहे.
राज्यातील जास्तीत जास्त स्पर्धकांना त्यांच्या आयुष्यातील ही Objective Pattern ची शेवटची राज्यसेवा मुख्य परीक्षा देण्याची संधी मिळावी यासाठी आपण किमान 1000 जागांसाठी विक्रमी जाहिरात काढून या जागा वाढवून उपलब्ध करून द्याव्यात, अशी मागणी राजू शेट्टी यांनी मुख्यमंत्री देवेंद्र फडणवीस यांच्याकडे पत्राद्वारे केली आहे.
