रोबोटिक्स आंतरराष्ट्रीय स्पर्धेत स्वयंम कट्टी करणार देशाचे प्रतिनिधित्व ; राजीव गांधी ई-लर्निंग स्कूलचे यश
राजीव गांधी अकॅडमी ऑफ ई-लर्निंग स्कूलचा स्वयंम संतोष कट्टी याचा समावेश असून तो भारतातून आंतरराष्ट्रीय स्पर्धेत शाळेचे व देशाचे प्रतिनिधित्व करणार आहे.
eduvarta@gmail.com 
एज्युवार्ता न्यूज नेटवर्क
राजीव गांधी अकॅडमी ऑफ ई-लर्निंग स्कूलमधील (Rajiv Gandhi Academy of E-Learning School) स्वयंम संतोष कट्टी (Swayam Santosh Katti)या इयत्ता इयत्ता ८ वीच्या विद्यार्थ्याची रोबोटिक्स आंतरराष्ट्रीय स्पर्धेसाठी (Robotics International Competition) निवड झाली आहे. ही स्पर्धा एस्टोनिया (युरोप) येथे आयोजित करण्यात येणार आहे.या विद्यार्थ्याला बीएमसी रोबोटिक इंडिया सॉफ्टवेअरचे रोबोटिक ट्रेनर प्रतिक पाटील यांचे मार्गदर्शन लाभले.
या स्पर्धेसाठी राजीव गांधी अकॅडमी ऑफ ई-लर्निंग स्कूलमधील १२० विद्यार्थ्यांची निवड झाली आणि त्यांनी राष्ट्रीय पातळीवरील रोबोटिक इंडिया चॅम्पियनशिप स्पर्धेत सहभाग घेतला. संपूर्ण देशातून सुमारे पाच हजार विद्यार्थी होते.त्यापैकी निवड प्रक्रियेत रोबोटिक्स आंतरराष्ट्रीय स्पर्धेसाठी ४५ विद्यार्थी पात्र ठरले. त्यात राजीव गांधी अकॅडमी ऑफ ई-लर्निंग स्कूलचा स्वयंम संतोष कट्टी याचा समावेश असून तो भारतातून आंतरराष्ट्रीय स्पर्धेत शाळेचे व देशाचे प्रतिनिधित्व करणार आहे,
महाराष्ट्रातून १००० हून अधिक विद्यार्थी सहभागी झाले होते. या यशाबद्दल स्कुलचे संस्थापक व माजी उपमहापौर आबा बागुल, प्राचार्य जांबुवंत मसलकर व शिक्षक वर्गांनी अभिनंदन करून आंतरराष्ट्रीय स्पर्धेसाठी स्वयंम कट्टीला शुभेच्छा दिल्या.
