'वर्ल्ड काईंडनेस डे' दिनानिमित्त प्रियदर्शनी स्कूलच्या विद्यार्थ्यांचा जिव्हाळ्याचा संवाद
प्रियदर्शनी स्कूल कोरेगाव येथील विद्यार्थ्यांनी 13 नोव्हेंबर रोजी जागतिक दयाळू दिनानिमित्त मातोश्री वृद्धाश्रमाला भेट दिली. या भेटीचा उद्देश विद्यार्थ्यांमध्ये करुणा, सहानुभूती आणि वडीलधाऱ्यांचा आदर या मूल्यांना प्रोत्साहन देणे आणि आश्रमातील वृद्धांना आनंद देणे हा होता.
eduvarta@gmail.com 
एज्युवार्ता न्यूज नेटवर्क
जागतिक दयाळू दिनानिमित्त (World Kindness Day) सातारा जिल्ह्यातील कोरेगाव येथील प्रियदर्शनी स्कूल्सच्या (Priyadarshani School) विद्यार्थ्यांनी मातोश्री वृद्धाश्रमाला भेट (Visit to Matoshree Old Age Home) दिली. विद्यार्थ्यांमध्ये करुणा, सहानुभूती आणि वडीलधाऱ्यांचा आदर या मूल्यांना प्रोत्साहन देणे आणि आश्रमातील वृद्धांना आनंद देणे, हा या भेटीचा मुख्य उद्देश असल्याचे शाळेच्या उपमुख्याध्यापिका संगीता चिखले यांनी सांगितले.
यावेळी विद्यार्थ्यांनी आश्रमातील वृद्धांशी संवाद साधला. तसेच विविध गाणी गायली आणि दिवाळी फराळाचे वाटप करण्यात आले. इयत्ता 8 वी आणि 9 वी मधील विद्यार्थ्यांनी वृद्धाश्रमाला मदत म्हणून अन्नधान्य दान करून योगदान दिले. आश्रमातील वयोवृद्धांनी विद्यार्थ्यांच्या भेटीबद्दल आनंद आणि कौतुक व्यक्त केले. ज्यामुळे विद्यार्थी आणि वयोवृद्ध दोघांनाही हा अनुभव लाभदायक ठरला.कोरेगाव शाळेच्या उपमुख्याध्यापिका संगीता चिखले यांच्या मार्गदर्शनाखाली हा उपक्रम राबविण्यात आला. शाळेच्या संस्थापक सचिव, तरुणा सिंग, व्यवस्थापकीय विश्वस्त डॉ. राजेंद्र सिंह, डॉ.जितेंद्र सिंह, नरेंद्र सिंह यांनी शाश्वत मूल्ये रुजवण्यासाठी राबवलेल्या या उपक्रमाचे कौतूक केले.
