कॉलेजच्या विद्यार्थ्यांची मतदान जागृतीसाठी मॅरॅथॉन

एज्युवार्ता न्यूज नेटवर्क 

पुणे जिल्हा शिक्षण मंडळाच्या अण्णासाहेब मगर महाविद्यालयाच्या (Annasaheb Magar College of Pune District Education Board) वतीने मतदार जागरूकता अभियानाअंतर्गत (Voter Awareness Campaign) हडपसर विधानसभा निवडणुक निर्णय अधिकारी डॉ. स्वप्नील मोरे व महाविद्यालयाचे प्राचार्य डॉ.नितीन घोरपडे (Hadapsar Vidhan Sabha Election Decision Officer Dr. Swapnil More and College Principal Dr. Nitin Ghorpade) यांच्या मार्गदर्शनाखाली मॅरॅथॉन रॅलीचे (Marathon Rally) आयोजन करण्यात आले.

सार्वत्रिक विधानसभा निवडणुकीमध्ये मतदानाचा टक्का वाढवा या दृष्टीने महाविद्यालयातील विद्यार्थ्यांना आई-वडील, नातेवाईक यांना मतदान करण्याचे आवाहन करणारे पत्र, मतदान जागृतीसाठी मॅरेथॉन, औद्योगिक क्षेत्रातील कामगारांना मतदानाचे आवाहन, मतदान जागृतीसाठी पायी रॅली, घरोघरी भेटी देऊन मतदानासाठी प्रोत्साहन, मतदान कसे करावे यासाठी मार्गदर्शन आदी उपक्रमांचे आयोजन करण्यात आले आहे.

213 हडपसर स्वीप टीम समन्व्यक अमरदीप मगदूम, सहाय्यक संजीव परदेशी, पंकज पालाकुडतेवार, प्रशांत कोळेकर यांच्या उपस्थितीत  या रॅलीचा शुभारंभ करण्यात आला. प्रा.अनिल दाहोत्रे यांनी मतदान शपथीचे वाचन केले. याप्रसंगी महाविद्यालयाचे उपप्राचार्य डॉ. शुभांगी औटी, डॉ.प्रशांत मुळे, प्रा.अनिल जगताप, कॅप्टन डॉ. धीरजकुमार देशमुख, प्रा. प्रीतम ओव्हाळ, राष्ट्रीय सेवा योजना जिल्हा समनव्यक डॉ. सविता कुलकर्णी प्रा. अनिल दाहोत्रे, प्रा. आशा माने आदी उपस्थित होते. सूत्रसंचालन प्रा. प्रीतम ओव्हाळ यांनी केले तर आभार डॉ. प्रशांत मुळे यांनी मानले.