पंतप्रधान नरेंद्र मोदींच्या व्यक्तीमत्वाचे पैलू प्रकाश जावडेकर उलगडणार
पंतप्रधान मोदी यांच्यासह केंद्रीय मंत्रीमंडळात कार्यरत असताना प्रकाश जावडेकर यांनी पंतप्रधानांचे व्यक्तीमत्त्व व कार्यपद्धती अनुभवली आहे.
eduvarta@gmail.com 
एज्युवार्ता न्यूज नेटवर्क
रोटरी क्लब ऑफ पुणे युनिव्हर्सिटी आयोजित ‘मोदी 3.0’ या कार्यक्रमात पंतप्रधान नरेंद्र मोदी (Prime Minister Narendra Modi)यांच्या व्यक्तीमत्वाचे विविध पैलू माजी केंद्रीय मंत्री प्रकाश जावडेकर (Former Union Minister Prakash Javadekar)उलगडून सांगणार आहेत.
रोटरी क्लब ऑफ पुणे युनिव्हर्सिटी हा कार्यक्रम येत्या रविवारी 15 डिसेंबर 2024 रोजी सायंकाळी 5:30 वाजता कर्वे रस्त्यावरील आबासाहेब गरवारे महाविद्यालयाच्या सभागृहात आयोजित करण्यात आला आहे, रोटरी क्लब ऑफ पुणे युनिव्हर्सिटीचे अध्यक्ष डॉ. शंतनू देशपांडे आणि सचिव अमृता कुलकर्णी यांनी ही माहिती निवेदनाद्वारे कळविली आहे.
पंतप्रधान मोदी यांच्यासह केंद्रीय मंत्रीमंडळात कार्यरत असताना प्रकाश जावडेकर यांनी पंतप्रधानांचे व्यक्तीमत्त्व व कार्यपद्धती अनुभवली आहे. पंतप्रधान नरेंद्र मोदी यांची कार्यपद्धती, विचारप्रणाली, दूरदृष्टी, निर्णय क्षमता, समन्वयाची भूमिका आदी वैशिष्ट्यांसह व्हिजन 2047 या विषयी प्रकाश जावडेकर बोलणार आहेत. कार्यक्रम सर्वांसाठी खुला आहे.
