PhD Entrance Exam : पीएचडी प्रवेश परीक्षेचा निकाल जाहीर

एज्युवार्ता न्यूज नेटवर्क 

सावित्रीबाई फुले पुणे विद्यापीठातील (Savitribai Phule Pune University) विविध विभाग व विद्यापीठाशी संलग्न संशोधन केंद्रामधील पीएचडी प्रवेशासाठी घेण्यात आलेल्या पीएचडी प्रवेश परीक्षेचा (PhD Entrance Exam) (पेट) निकाल (Result)जाहीर झाला असून विद्यार्थ्यांच्या लॉगिनमध्ये निकाल उपलब्ध (Results available in student login)करून देण्यात आला आहे. तरी विद्यार्थ्यांनी आपल्या लॉगिनमध्ये जाऊन स्वतःचा निकाल डाऊनलोड करून घ्यावा,असे परिपत्रक विद्यापीठातर्फे प्रसिद्ध करण्यात आले आहे. या परीक्षेसाठी प्रविष्ट झालेल्या विद्यार्थ्यांपैकी 2 हजार 761 विद्यार्थी पात्र ठरले आहेत. तर 6 हजार 346 विद्यार्थी अपात्र ठरले आहेत.

सावित्रीबाई फुले पुणे विद्यापीठातर्फे पुणे अहमदनगर व नाशिक या तीन जिल्ह्यांमध्ये विविध परीक्षा केंद्रांवर ऑनलाईन पद्धतीने पीएचडी प्रवेश पूर्व परीक्षा घेण्यात आले या परीक्षेसाठी दहा हजार 752 विद्यार्थ्यांनी अर्ज भरले होते. त्यातील 1हजार 645 विद्यार्थी परीक्षेसाठी अनुपस्थित राहिले. या परीक्षेत 2 हजार 761 विद्यार्थी पीएचडी प्रवेशासाठी पात्र ठरले आहेत. विद्यापीठातर्फे लवकरच प्रवेशा संदर्भातील प्रक्रिया जाहीर केली जाणार आहे.

सावित्रीबाई फुले पुणे विद्यापीठातील विभाग व संलग्न संशोधन केंद्रामधील सुमारे 1200 जागांसाठी ही प्रवेश परीक्षा घेण्यात आली होती. परंतु, स्वायत्त महाविद्यालयांमधील रिक्त जागांची संख्या अद्याप यात समाविष्ट केलेली नाही. त्यामुळे पीएचडी प्रवेशासाठी उपलब्ध जागांमध्ये वाढ होऊ शकते.