पॅट परीक्षेचे वेळापत्रक जाहीर, १० ते १३ ऑक्टोबर दरम्यान मुल्यमापन चाचणी
गेल्या शैक्षणिक वर्षी 'पॅट' एप्रिलमध्ये घेण्याच्या नियोजनावरून 'एससीईआरटी' वर प्रचंड टीका झाली होती. शाळांचा अधिकार थेट परिषदेने घेतल्याने अनेक शिक्षक संघटनांनी नाराजी व्यक्त केली होती. हा अनुभव लक्षात घेऊन यंदा शाळांना सहामाही परीक्षांच्या वेळापत्रकाबाबत पूर्ण स्वातंत्र्य देण्यात आले आहे.
eduvarta@gmail.com 
एज्युवार्ता न्यूज नेटवर्क
राज्य शैक्षणिक संशोधन व प्रशिक्षण परिषदेने (एससीईआरटी) यंदाच्या संकलित मूल्यमापन चाचणी-१ चे (पॅट) वेळापत्रक जाहीर (PAT exam schedule announced) केले आहे. पहिली ते आठवी इयत्तेतील विद्यार्थ्यांसाठी मराठी, गणित आणि इंग्रजी या विषयांच्या चाचण्या १०, ११ व १३ ऑक्टोबरला होणार (To be held on October 10, 11 and 13) आहेत. या परीक्षा प्राथमिक, माध्यमिक तसेच अनुदानित शाळांमधील विद्यार्थ्यांसाठी बंधनकारक राहतील. मात्र सहामाही परीक्षांचे नियोजन करण्याचा अधिकार यंदा शाळांनाच देण्यात आला आहे.
क्रूरतेचा कळस! पुण्यात १४ वर्षीय शाळकरी मुलावर धारदार शस्त्राने सपासप वार..
गेल्या शैक्षणिक वर्षी 'पॅट' एप्रिलमध्ये घेण्याच्या नियोजनावरून 'एससीईआरटी' वर प्रचंड टीका झाली होती. शाळांचा अधिकार थेट परिषदेने घेतल्याने अनेक शिक्षक संघटनांनी नाराजी व्यक्त केली होती. हा अनुभव लक्षात घेऊन यंदा शाळांना सहामाही परीक्षांच्या वेळापत्रकाबाबत पूर्ण स्वातंत्र्य देण्यात आले आहे.
दुसरीच्या विद्यार्थ्यांसाठी ६० मिनिटे, तिसरी ते सहावीपर्यंत ९० मिनिटे तर सातवी-आठवीसाठी १२० मिनिटांची परीक्षा होईल. प्रत्येक विषयात लेखी आणि मौखिक दोन्ही घटक असतील. गुण पद्धतीनुसार दुसरीसाठी ३०, तिसरी-चौथीसाठी ४०, पाचवी-सहावीकरिता ५० आणि सातवी-आठवीकरिता ६० गुणांची चाचणी होणार आहे. पहिली भाषा (मराठी किंवा अन्य माध्यमानुसार), गणित आणि तृतीय भाषा इंग्रजी या तीन विषयांमध्येच पॅट घेण्यात येणार आहे.
