वैद्यकीय शिक्षण विभागाने २५, २६ सप्टेंबरची परीक्षा पुढे ढकलली

एज्युवार्ता न्यूज नेटवर्क 

वैद्यकीय शिक्षण विभागाच्या (Department of Medical Education) पदभरती परीक्षेच्या तयारीत असलेल्या उमेदवारांसाठी महत्त्वाची अपडेट समोर आली आहे. वैद्यकीय शिक्षण व औषधी द्रव्ये विभाग (DMER) यांच्या अधिपत्याखालील शासकीय/ दंत महाविद्यालय व संलग्नित रुग्णालयातील गट-क तांत्रिक/अतांत्रिक पदभरतीची परीक्षा पुढे ढकलण्यात आली आहे. मराठवाड्यात होत असलेल्या अतिवृत्तीच्या पार्श्वभूमीवर २५ आणि २६ सप्टेंबर रोजी घेण्यात परीक्षा रद्द (Exams to be held on September 25th and 26th cancelled) करण्याचा निर्णय घेण्यात आला आहे. 

पॅट परीक्षेचे वेळापत्रक जाहीर, १० ते १३ ऑक्टोबर दरम्यान मुल्यमापन चाचणी

वैद्यकीय शिक्षण विभागातील गट-क संवर्गातील सरळसेवा कोट्यातली रिक्त पदे भरण्याकरिता राज्यस्तरीय ऑनलाईन स्पर्धा परीक्षा राज्यातील विविध केंद्रावर घेण्यात येणार आहे. मात्र, सध्या महाराष्ट्रात विविध भागात अती मुसळधार पावसामुळे अपात्कालीन पूरपरिस्थिती निर्माण झाल्याने दिनांक २५ व २६ सप्टेंबर २०२५ रोजीची आयोजित करण्यात आलेली परीक्षा पुढे ढकलण्यात येत असून याबाबतचे सुधारीत वेळापत्रक लवकरच प्रसिध्द करण्यात येईल, असे वैद्यकीय शिक्षण संशोधन व आयुष आयुक्त, महाराष्ट्र राज्य यांनी जाहीर केले आहे.
____________________________________________

राज्यभरात सुरु असलेल्या अतिवृष्टीमुळे विद्यार्थ्यांचे शैक्षणिकदृष्ट्या मोठे नुकसान झाले आहे. वाचनालये बंद असून अभ्यासाच्या साहित्याचे देखील नुकसान झाले आहे. याखेरीज वाहतूक व्यवस्था देखील विस्कळीत असून अनेक ठिकाणी वाहने पोहोचू शकत नाहीत अशी स्थिती आहे. याच परिस्थितीत 28 सप्टेंबर रोजी महाराष्ट्र लोकसेवा आयोगाची राज्यसेवा परीक्षा होणार आहे. परंतु सद्यस्थितीत मराठवाड्यातील विद्यार्थ्यांना परीक्षा केंद्रांवर वेळेत पोहोचणे शक्य होईल अशी शक्यता नाही. त्यामुळे ही परीक्षा काही काळासाठी पुढे ढकलावी आणि परिस्थिती पूर्वपदावर आल्यानंतर ती घेण्यात यावी अशी विद्यार्थ्यांची मागणी आहे. 

सुप्रिया सुळे, खासदार (बारामती) राष्ट्रवादी काँग्रेस (शरदचंद्र पवार)