क्रूरतेचा कळस! पुण्यात १४ वर्षीय शाळकरी मुलावर धारदार शस्त्राने सपासप वार..
आईला मारत असल्याचे पाहून हा अल्पवयीन मुलगा सावरण्याचा प्रयत्न करत असताना आरोपींने या मुलावर धारदार शस्त्राने सपासप वार करत त्याला रक्त बंबाळ केले. त्यानंतर मारहाणीत गंभीर जखमी झालेल्या शाळकरी मुलाच्या आई-वडिलांच्या तक्रारीवरून खुनाचा प्रयत्न केल्या प्रकरणी शाहरूख मोहम्मदीन फिरोज खान, मरियम शाहरूख खान या दाम्पत्याला कोंढवा पोलिसांनी अटक केली आहे.
eduvarta@gmail.com 
एज्युवार्ता न्यूज नेटवर्क
एकेकाळी शिक्षणाचे माहेरघर म्हणून ओळख असलेले पुणे (Pune Crime News) आता गुन्हेगारीचे हॉट्स्पॉट बनत चालले आहे. मागील काही महिन्यांची पार्श्वभूमी पाहाता पुणे शहराने अक्षरश: गुन्हेगारीचा कळस गाठल्याचे दिसून येत आहे. कोंढवा परिसरात एका १४ वर्षीय शाळकरी मुलावर धारदार शस्त्राने (School boy attacked with sharp weapon) सपासप वार करण्यात आले आहेत. या धक्कादायक घटनेमुळे पुणे शहर हादरून गेले आहे. शाळकरी मुलगा गंभीर जखमी (School boy seriously injured) असून त्याला उपचारासाठी रुग्णालयात दाखल करण्यात आले आहे.
SPPU विद्यापीठाचे NIRF रँकिंग वाङ्मय चौर्यामुळे घसरले; रँकिंग उंचावणे शक्य:डॉ. नितीन करमळकर
पोलिसांकडून मिळालेल्या माहितीनुसार, शाळकरी मुलाच्या वडिलांचे जवळच राहणाऱ्या शाहरुख नामक व्यक्तीसोबत पैशावरून किरकोळ वाद झाला. हा वाद एवढ्यावरच न थांबता आरोपी शाहरुख आणि त्याची पत्नी मरियम यांनी रात्री उशीरा या पीडित मुलाच्या घरी जाऊन शिवीगाळ केली. त्यामुळे हे प्रकरण जास्तच चिघळले त्याचे रूपांतर हाणामारीत झाले. यावेळी शाळकरी मुलाच्या आईला बेदम मारहाण करण्यात आली. आईला मारत असल्याचे पाहून हा अल्पवयीन मुलगा सावरण्याचा प्रयत्न करत असताना आरोपींने या मुलावर धारदार शस्त्राने सपासप वार करत त्याला रक्त बंबाळ केले. त्यानंतर मारहाणीत गंभीर जखमी झालेल्या शाळकरी मुलाच्या आई-वडिलांच्या तक्रारीवरून खुनाचा प्रयत्न केल्या प्रकरणी शाहरूख मोहम्मदीन फिरोज खान, मरियम शाहरूख खान या दाम्पत्याला कोंढवा पोलिसांनी अटक केली आहे.
पुणे शहर हे शिक्षणाचं माहेरघर असल्याचं आपण अनेकदा म्हणतो. मात्र, याच पुणे शहरात मोठ्या प्रमाणात गुन्हेगारीत वाढ झाली आहे. त्यातल्या त्यात पुण्यातील कोथरूड, कोंढवा या भागात मोठ्या परिसरात गुन्हेगारांमध्ये वाढ होऊ लागली आहे. यामुळे पुण्यातील कायदा आणि सुव्यवस्थेवर अनेक प्रश्न उपस्थित होताना दिसतात. पुण्यात दररोज किंवा दिवसाआढ गुन्ह्याच्या तक्रारी समोर येऊ लागल्या आहेत. आता मात्र गुन्हेगारीचे हे सत्र शाळकरी मुलांच्या जीवापर्यंत येवून टेकले आहे. त्यामुळे पुणे पोलीस आता तरी या गुन्हेगारीला चाप बसवणार का? गुन्हेगारी अशीच फोफावणार हे पाहवे लागणार आहे.
