अकरावी प्रवेशासाठी ओपन टू ऑल फेरी 

एज्युवार्ता न्यूज नेटवर्क 

11th admission: राज्याच्या शालेय शिक्षण विभागातर्फे अकरावी प्रवेशासाठी ऑनलाईन प्रवेश प्रक्रिया राबवली जात असून आत्तापर्यंत प्रवेशाच्या चार फेऱ्या पूर्ण झाल्या आहेत. त्यातून 8 लाख 82 हजार विद्यार्थ्यांचे प्रवेश निश्चित झाले असले तरी अजूनही 12 लाख 68 हजार जागा रिक्त आहेत. त्यामुळे प्रवेशापासून वंचित असलेल्या विद्यार्थ्यांसाठी आता ओपन टू ऑल फेरी (Open to all round )राबवली जाणार आहे. विद्यार्थ्यांना येत्या 4 व 5 ऑगस्ट रोजी ओपन टू ऑल फेरी अंतर्गत प्राधान्यक्रम व प्रवेश अर्जाचा पहिला भाग-दूसरा भाग आणि अर्जात दुरुस्ती करता येणार आहे. 

अकरावी प्रवेशासाठी राज्यातील 9 हजार 522 कनिष्ठ महाविद्यालयांमधील 21 लाख 50 हजार 479 जागांसाठी राज्यभरातील 14 लाख 38 हजार 894 विद्यार्थ्यांनी प्रवेशासाठी नोंदणी केली. नोंदणी केलेल्या विद्यार्थ्यांपैकी  5 लाख 56 हजार 813 विद्यार्थ्यांना अद्याप प्रवेश मिळालेला नाही. राज्यातील 5 लाखाहून अधिक विद्यार्थी प्रवेश घेऊ शकले नाहीत तरीही येत्या 11 ऑगस्टपासून अकरावीचे वर्ग सुरू केले जाणार आहेत.

शालार्थ आयडी घोटाळ्यात तीन शिक्षकांना अटक; १०० कोटी रुपयांची फसवूणक केल्याचा ठपका

ओपन टू ऑल फेरीमध्ये अर्ज करण्याकरिता नियमित विद्यार्थी व पुरवणी फेरीतील विद्यार्थी असे दोन्हीही विद्यार्थी नोंदणी करू शकतात. तसेच अद्याप चार फेऱ्यांमधून कोणत्याही कॉलेजमध्ये प्रवेश न मिळालेल्या विद्यार्थ्यांना प्रवेश आजारातील पहिला भाग दुसरा भाग व त्यांच्या आवश्यकतेनुसार बदल करता येऊ शकतात. ओपन टू ऑल फेरीमध्ये प्राधान्याने अर्जाचा पहिला व दुसरा भाग यामध्ये दुरुस्ती करता येऊ शकते. तसेच अद्याप ज्यांनी नोंदणी केलेली नाही,अशा विद्यार्थ्यांना नोंदणी करून फेरीमध्ये नव्याने प्राधान्यक्रम देता येऊ शकतात. ओपन टू ऑल फेरीमधील गुणवत्ता याद्या व विद्यार्थ्यांच्या प्राधान्यक्रमानुसार कॉलेज अलॉटबाबतची यादी प्रसिद्ध करण्याचा दिनांक व वेळ 6 ऑगस्ट रोजी सकाळी 10 वाजता प्रसिद्ध केला जाणार आहे, असे राज्याचे माध्यमिक उच्च शिक्षण संचालक डॉ.महेश पालकर यांनी प्रसिद्ध पत्रकाद्वारे कळविले आहे.