मेडिकल प्रवेशासाठीची सर्वत मोठी अट रद्द.. 

एज्युवार्ता न्यूज नेटवर्क 

वैद्यकीय अभ्यासक्रमाची (Medical courses) शिक्षण घेण्यासाठी इच्छुक असलेल्या विद्यार्थ्यांसाठी दिलासाजनक बातमी समोर आली आहे. महाराष्ट्र राज्य सामाईक प्रवेश परीक्षा (Maharashtra State Common Entrance Examination) कक्षामार्फत राबवण्यात येणाऱ्या प्रवेश प्रक्रियेसाठी आवश्यक असलेल्या पात्रता अटींमध्ये मोठा बदल करण्यात आला आहे. याबाबत प्रसिद्धीपत्रकाद्वारे (Press release issued) माहिती देण्यात आली आहे. वैद्यकीय अभ्यासक्रमासाठी अडचण ठरणारी किमान टक्केवारीची अट रद्द करण्यात आली आहे. त्यामुळे राज्यातील बहुतांश विद्यार्थ्यांना या निर्णयाचा फायदा होणार असल्याचे सांगण्यात येत आहे.

सीईटी सेलतर्फे बीएएमएस, बीएचएमएस आणि बीयूएमएस अभ्यासक्रमाच्या प्रवेशासाठी पात्रता अटींमध्ये बदल जाहीर केला आहे. पूर्वी नीट स्कोअरशिवाय असलेली 'पीसीबी'च्या किमान टक्केवारीची अट रद्द करण्यात आली आहे. यामुळे वैद्यकीय अभ्यासक्रमाच्या केवळ 'ग्रुप सी'साठी पात्र विद्यार्थी टक्केवारीची अट रद्द झाल्याने ते आता 'ग्रुप बी' अभ्यासक्रमासाठीही पात्र ठरू शकतील.

नव्या नियमानुसार पात्रता 'ग्रुप बी'साठी (बीएएमएस, बीएचएमएस, बीयूएमएस) उमेदवाराने दहावी आणि बारावी फिजिक्स, केमिस्ट्री, बायोलॉजी किंवा बायोटेक्नॉलॉजी या विषयांसह उत्तीर्ण केलेली असावी. एमबीबीएस व बीडीएस अभ्यासक्रमासाठी पात्रता निकषात कोणताही बदल नाहीत, असे सीईटी सेलच्या पत्रात म्हटले आहे.