परदेशी मोफत शिक्षणाच्या शिष्यवृत्तीसाठी ऑनलाईन अर्ज प्रक्रिया सुरू

एज्युवार्ता न्यूज नेटवर्क

अल्पसंख्यांक समुदायातील विद्यार्थ्यांसाठी महत्त्वाची अपडेट समोर आली आहे. अल्पसंख्याक विकास विभागाच्या (Minority Development Department) वतीने, विद्यार्थ्यांना परदेशात मोफत उच्च शिक्षण (Free higher education abroad) घेता यावे, या उद्देशाने सन २०२५-२०२६ करिता ही शिष्यवृत्ती योजना राबविण्यात येत आहे. या योजनेत सहभागी होण्यासाठी पात्र विद्यार्थ्यांकडून अर्ज मागविण्यात येत आहेत. विद्यार्थ्यांना अल्पसंख्यांक (Minority students) विभागाचे अधिकृत संकेतस्थळावर जाऊन ऑनलाईन पद्धतीने अर्ज करता येणार आहे.

CET-CELL:एलएलबी,बीएड,एमएड अभ्यासक्रम प्रवेशास पुन्हा मुदतवाढ

अर्ज करण्याची अंतिम मुदत १ ऑगस्ट २०२५च्या सायंकाळी ६:१५ वाजेपर्यंत आहे. तसेच विद्यार्थ्यांना अर्जाची छायाप्रत आवश्यक त्या कागदपत्रांसह प्रत्यक्ष किंवा टपालाने समाज कल्याण आयुक्तालय, ३ चर्च रोड, पुणे ४११००१ येथे पाठवावी लागणार आहे. या शिष्यवृत्ती योजनेचा जास्तीत जास्त अल्पसंख्याक विद्यार्थ्यांनी लाभ घ्यावा तसेच अधिक माहितीसाठी www.maharashtra.gov.in या संकेतस्थळावरील 'ताज्या घडामोडी' या लिंकला भेट द्यावी, असे आवाहन समाजकल्याण विभागाचे सहायक आयुक्त विनोद मोहतुरे यांनी केले आहे.

आवश्यक पात्रता आणि शिष्यवृत्तीचे फायदे -

अर्जदार महाराष्ट्राचा रहिवासी असावा. तो अल्पसंख्याक समुदायात येणारा असावा. पदव्युत्तर अभ्यासक्रमासाठी ३५ वर्षे, तर पीएच.डी. साठी ४० वर्षे वयोमर्यादा आहे. उमेदवाराच्या कुटुंबाचे एकत्रित वार्षिकउत्पन्न आठ लाख रुपयांपेक्षा अधिक नसावे. शैक्षणिक पात्रतेत किमान ५५ टक्के गुण आवश्यक आहेत. शिष्यवृत्ती क्यूएस वर्ल्ड युनिव्हर्सिटी रँकिंगमध्ये २००च्या आतील विद्यापीठांमध्ये प्रवेश असलेल्या अभ्यासक्रमांसाठीच देण्यात येईल. (यूएनएसडब्ल्यू ऑस्ट्रेलिया वगळलेले आहे.) विद्यार्थ्यांस शिक्षण शुल्क, प्रवास खर्च, निवास भत्ता,आरोग्य विमा, आकस्मिक खर्च आदी प्रतिपूर्ती स्वरूपात देण्यात येईल. यूएसडी १५,४०० (यूएसए व इतर देशांसाठी) व जीबीपी ९,९०० (युकेसाठी) या मर्यादेत निर्वाह भत्ता देण्यात येईल. आकस्मिक खर्चासाठी अनुक्रमे यूएसडी १,५०० (यूएसए) व

जीबीपी १,१०० (युके) इतकी रक्कम मंजूर असेल. प्रत्येक सत्रात नियमित प्रगती, गुणपत्रिका आणि शैक्षणिक अहवाल सादर करणे बंधनकारक राहील.