CET-CELL:एलएलबी,बीएड,एमएड अभ्यासक्रम प्रवेशास पुन्हा मुदतवाढ
eduvarta@gmail.com 
एज्युवार्ता न्यूज नेटवर्क
राज्य सामायिक प्रवेश परीक्षा कक्ष अर्थात सीईटी सेलतर्फे विविध अभ्यासक्रमाच्या प्रवेशासाठी राबविल्या जात असलेल्या कॅप फेरीसाठी अर्ज करण्यास मदत वाढ दिली गेली आहे. तीन वर्षे एलएलबी अभ्यासक्रमाचे अर्ज भरण्यासाठी 21 जुलै ते 25 जुलै या कालावधीपर्यंत मुदत वाढवली आहे. त्याचप्रमाणे बीएड, एम एड, बी पी एड ,एम पी एड अभ्यासक्रमाचे अर्ज भरण्यासाठी सुद्धा 25 जुलै ते 29 जुलै पर्यंत मुदतवाढ देण्यात आली आहे, सीईटीसेल कडून यासंदर्भातील परिपत्रक प्रसिध्द करण्यात आले आहे.
तीन वर्षे एलएलबी अभ्यासक्रमास प्रवेश घेऊ इच्छिणाऱ्या काही विद्यार्थ्यांना अर्ज भरताना अडचणी निर्माण झाल्या होत्या.त्यामुळे विद्यार्थी प्रवेश फेरीसाठी अर्ज करू शकले नाही, अशा विद्यार्थ्यांना मोठा दिलासा मिळाला आले. त्याच प्रमाणे शिक्षणशास्त्र अभ्यासक्रमास प्रवेश घेऊ इच्छिणाऱ्या विद्यार्थ्यांना सुध्दा मोठी संधी उपलब्ध झाली आहे.त्यामुळे ज्यांना काही कारणाने अर्ज भरता आला नाही, अशा विद्यार्थ्यांना अर्ज करता येणार आहे. विद्यार्थी सीईटी सेलतर्फे राबविल्या जाणाऱ्या विविध प्रवेश प्रक्रिये संदर्भातील माहितीसाठी संकेतस्थळाला भेट देऊ शकतात.
