भविष्याचे स्वप्न रंगवत बारावीचा पेपर देयला निघाला, अर्ध्या वाटेत काळाने घातला घाला..

एज्युवार्ता न्यूज नेटवर्क 

नागपूर जिल्ह्यातील रामटेक येथीन एक धक्कादायक घटना समोर आली आहे. आयुष्याचे स्वप्न रंगवत बारावीचा पेपर (Class 12th paper) देण्याची निघालेल्या एका बारावीच्या विद्यार्थ्यावर (Class XII student) अर्ध्या वाटेतच काळाने घाला घातला आहे. चांगला पेपर दे, हे आईचे आशिर्वाद घेऊन सकाळी घरातून बाहेर पडलेल्या विद्यार्थ्याला एका भरधाव स्कूल बस चालकाने जोरदार धडक (School bus crash) दिली. यामध्ये विद्यार्थ्याचा जागीच मृत्यू (Student death) झाला. सिलेंडन परतेती असे आदिवासी पाड्यातील मृत विद्यार्थ्याचे नाव आहे.

मिळालेल्या प्राथमिक माहितीनुसार, आज सकाळी बारावीचा देण्यासाठी घरातून बाहेर पडलेल्या सिलेंडन परतेती या विद्यार्थ्याला खापा-पारशिवणी मार्गावरील खैरी परिसरात एका भरधाव स्कूल बसने जोरदार धडक दिली. या धडकेत विद्यार्थ्याचा जागीच मृत्यू झाला. या हृदयद्रावक घटनेमुळे परिसरात मोठी शोककळा पसरली आहे. सिलेंडन हा हुशार विद्यार्थी असल्याचे सांगितले जात आहे. 

ज्या हातात पेन आणि पेपर असायला हवा होता, तिथे रक्ताचा सडा पडलेला पाहून येणाऱ्या-जाणाऱ्यांचे डोळे पाणावले. अपघातानंतर स्थानिक नागरिकांनी तातडीने धाव घेतली, मात्र तोपर्यंत विद्यार्थ्याचा जागीच मृत्यू झाला. सिलेंडन पेपरला येणार म्हणून त्याचे मित्र त्याची वाट पाहत होते, मात्र त्याच्या अपघाताची बातमी पोहोचताच सर्वांना मोठा धक्का बसला.

सिलेंडन हा रामटेक येथील दाहोदा येथील जयसेवा आदिवासी कनिष्ठ महाविद्यालयाचा विद्यार्थी होता. आज त्याचा बारावीचा पेपर असल्याने तो आपल्या दुचाकीने एकटाच परीक्षा केंद्राच्या दिशेने निघाला होता. खापा-पारशिवणी मार्गावरील खैरी फाट्याजवळ तो पोहोचला असता, समोरून येणाऱ्या एका भरधाव स्कूल बसने त्याच्या दुचाकीला जोरदार धडक दिली. ही धडक इतकी भीषण होती की, सिलेंडनला गंभीर दुखापत झाली त्याचा जागीच मृत्यू झाला. घटनेची माहिती मिळताच पोलिसांनी घटनास्थळी धाव घेऊन पंचनामा केला असून, स्कूल बस चालकावर कारवाईची प्रक्रिया सुरू केली आहे.