UGC NET चा निकाल होणार जाहीर ; अंतिम उत्तर की प्रसिद्ध
UGC NET परीक्षा 2024 ची अंतिम उत्तर की प्रसिद्ध झाली आहे. अंतिम आन्सर की जाहीर झाल्यानंतर निकालही लवकरच लागण्याची शक्यता आहे.
Eduvarta
0
एज्युवार्ता न्यूज नेटवर्क
मागील अनेक दिवसांपासून प्रतीक्षेत असलेल्या (National Eligibility cum Entrance Test (Undergraduate)) UGC NET ची परीक्षा दिलेल्या उमेदवारांसाठी आनंदाची बातमी आहे. नॅशनल टेस्टिंग एजन्सी (National Testing Agency) (NTA) ने UGC NET अंतिम उत्तर की (Final answer key) 2024 प्रसिद्ध केली आहे. त्यामुळे UGC NET चा निकाल (Result) देखील कोणत्याही क्षणी जाहीर होण्याची शक्यता आहे.
ज्या उमेदवारांनी ही परीक्षा दिली होती ते अधिकृत वेबसाइट ugcnet.nta.ac.in वर भेट देऊन अंतिम उत्तर की PDF स्वरूपात डाउनलोड करू शकतात. उमेदवार अंतिम उत्तर की द्वारे त्यांचे अंतिम गुण देखील तपासू शकतात.
दरम्यान, ही UGC NET परीक्षा यापूर्वी 18 जून 2024 रोजी घेण्यात आली होती, परंतु, पेपर फुटल्याच्या संशयावरून ही परीक्षा रद्द करण्यात आली होती. त्यानंतर NTA ने 21 ऑगस्ट ते 4 सप्टेंबर 2024 दरम्यान UGC NET RE परीक्षा 2024 पुन्हा आयोजित केली होती. आता UGC NET परीक्षा 2024 ची अंतिम उत्तर की प्रसिद्ध झाली आहे. अंतिम आन्सर की जाहीर झाल्यानंतर निकालही लवकरच लागण्याची शक्यता आहे.
UGC NET परीक्षा देशभरातील उच्च शैक्षणिक संस्था आणि विद्यापीठांमध्ये असिस्टंट प्रोफेसर आणि ज्युनियर रिसर्च फेलोशिप (NET JRF) साठी घेतली जाते. ही परीक्षा वर्षातून दोनदा जून आणि डिसेंबर या सत्रांसाठी घेतली जाते.
