NEET UG Counselling : ...तर विद्यार्थ्याची उमेदवारी रद्द होणार

एज्युवार्ता न्यूज नेटवर्क  

सरकार (Govt) वैद्यकीय समुपदेशन समिती (MCC Counseling 2024) नीट युजीमध्ये (NEET UG) कठोर होण्याची तयारी करत आहे. या संपूर्ण प्रक्रियेत कोणत्याही प्रकारची अनियमितता आढळल्यास विद्यार्थ्याची (students) उमेदवारी थेट रद्द करण्यात येईल,(candidature of the student will be cancelled) असे सांगण्यात आले आहे. 

सर्वोच्च न्यायालयात(Supreme Court) दाखल केलेल्या प्रतिज्ञापत्रात सरकारने म्हटले आहे की, जुलैच्या तिसऱ्या आठवड्यात NEET UG 2024 समुपदेशन सुरू केले जाईल. समुपदेशन 4 फेऱ्यांमध्ये घेण्यात येणार आहे. त्याचवेळी एखादा उमेदवार अनियमिततेसाठी दोषी आढळल्यास त्याची उमेदवारी रद्द केली जाईल. त्यासाठी जागा वाटपाच्या नियमांमध्येही बदल करण्यात येत आहेत, असे  MCC ने संगितले आहे.  

 "समुपदेशनाच्या दरम्यान उमेदवाराची जागा रद्द झाली तर अशा परिस्थितीत समुपदेशन प्रक्रियेत बदल करून जागा वाटप करता येईल. अनियमितता कधी उघडकीस येईल यावर जागावाटप अवलंबून असेल." अशी भूमिका शासनाने स्पष्ट केली आहे. 

पहिल्या आणि दुसऱ्या फेरीत विद्यार्थ्यांना त्यांच्या आवडीनुसार जागा बदलण्याची संधी मिळेल. तिसऱ्या फेरीपूर्वी कोणाची उमेदवारी रद्द झाली तर समुपदेशन आणि जागावाटपावर फारसा परिणाम होणार नाही. सप्टेंबरच्या दुसऱ्या आठवड्यात तिसरी फेरी सुरू होण्याची शक्यता आहे. तिसऱ्या फेरीनंतर कोणाची उमेदवारी रद्द झाली, तर रिक्त जागा पुढील फेरीत दिली जाऊ शकते. ज्या विद्यार्थ्यांना आधीच जागा मिळाल्या आहेत.  त्यांना पुढील फेरीत सहभागी होता येणार नाही. तर चार फेऱ्यांनंतर विद्यार्थ्याची उमेदवारी रद्द झाल्यास रिक्त जागेसाठी समुपदेशनाची दुसरी फेरी घेतली जाऊ शकते.

दरम्यान, सरकारने असेही म्हटले आहे की 'कोणताही विद्यार्थी गैरप्रकारात सामील असल्याचे आढळल्यास त्याची जागा समुपदेशन प्रक्रियेदरम्यान किंवा त्यानंतरही कोणत्याही टप्प्यावर रद्द केले जाईल. समुपदेशन संपल्यानंतर सुद्धा अशा उमेदवारांची जागा रद्द केली जाईल.'