नाॅन पेसा क्षेत्रातील आरोग्य सेवक, ग्रामसेवक परीक्षेला मिळाला मुहूर्त, वेळापत्रक प्रसिद्ध 

एज्युवार्ता न्यूज नेटवर्क 

गेल्या नऊ महिन्यापासून प्रलंबित असलेल्या जिल्हा परिषदेतील आरोग्य सेवक पुरूष आणि महिला, कंत्राटी ग्रामसेवक पदांच्या (Arogya Sevak Male & Female, Sevak Post Recruitment) परिक्षेला अखेर मुहूर्त मिळाला  आहे. त्याचे सविस्तर वेळापत्रक प्रसिद्ध (Exam schedule released) करण्यात आले आहे.  नॉन पेसा क्षेत्रातील पदांच्या परिक्षा (Non Pesa Area Zilla Parishad Recruitment) १८ जुलैपासून सुरूवात होणार आहे. पर्यवेक्षिकांचा पहिला पेपर १८ जुलै रोजी होणार आहे. तर आरोग्य परिचारीका (आरोग्य सेवक महिला) १९ जुलै रोजी आरोग्य सेवक (पुरूष ४० टक्के) २२ आणि २३ जुलै रोजी तर आरोग्य सेवक पुरूष ५० टक्के (हंगामी फवारणी क्षेत्र कर्मचारी) यांची २३ आणि २४ जुलै रोजी परीक्षा होणार आहे. 

नाॅन पेसा क्षेत्रातील जागेचा मुद्दा न्यायालयात पोहोचल्याने आरोग्य सेवक तसेच कंत्राटी ग्रामसेवक पद भरतीला प्रक्रियेला मागील नऊ महिन्यापासून ब्रेक लागला होता. या भरतीला ऑस्टोबर 2023 मध्ये सुरूवात झाली असून, तेव्हापासून अर्ज केलेले उमेदवार परीक्षा कधी होणार या प्रतीक्षेत होते. मात्र, नऊ महिन्याने का होईना या परीक्षेला अखेरीस मुहूर्त मिळाला आहे. 

जिल्हा परिषदेतील वेगवेगळ्या संवर्गातील ८७५ जागांच्या पद भरतीला ऑक्टोंबर २०२३ पासून सुरूवात झाली. मात्र, नॉन पेसा क्षेत्रातील जागेचा मुद्दा न्यायालयात पोहचल्याने आरोग्य सेवक पुरूष आणि महिला, तसेच कंत्राटी ग्रामसेवकांच्या पद भरतीला ब्रेक लागला. नॉन पेसा क्षेत्रातील उमेदवारांच्या परिक्षेचे वेळापत्रक जाहिर करावे, अशा सुचना न्यायालयाने दिल्यानंतर आता शासनाकडून या परीक्षेचे संपूर्ण वेळापत्रक प्रसिद्ध करण्यात आले आहे.