NCET 2025 : ऑनलाइन अर्ज सादर करण्यासाठी मुदतवाढ
चालू CBSE आणि इतर बोर्ड परीक्षांमुळे विद्यार्थी, संस्था आणि इतर संस्थांनी केलेल्या विनंत्या लक्षात घेता, राष्ट्रीय शिक्षक शिक्षण परिषदेने (NCTE) ऑनलाइन अर्ज सादर करण्याची अंतिम तारीख वाढवण्याची शिफारस केली. त्यानुसार, NCTE च्या विनंतीनुसार, अंतिम तारीख १६ मार्च २०२५ वरून ३१ मार्च २०२५ पर्यंत वाढविण्यात आली आहे.
eduvarta@gmail.com 
एज्युवार्ता न्यूज नेटवर्क
शिक्षक होण्यासाठी इच्छुक असणाऱ्या उमेदवारांसाठी महत्वाची बातमी समोर आली आहे. २०२५-२६ या शैक्षणिक सत्रासाठी ४ वर्षांच्या एकात्मिक शिक्षक शिक्षण कार्यक्रम (ITEP) मध्ये प्रवेश घेण्यासाठी आता राष्ट्रीय चाचणी संस्थेने (NTA) राष्ट्रीय सामायिक प्रवेश परीक्षा (NCET) २०२५ चे ऑनलाइन अर्ज स्वीकारण्याची अंतिम तारीख वाढवली (Last date extended) आहे. नवीन बादलानुसार आता उमेदवारांना ३१ मार्च २०२५ पर्यंत अर्ज करता येणार आहे.
राष्ट्रीय सामायिक प्रवेश परीक्षा (NCET-२०२५) २९ एप्रिल २०२५ रोजी संगणक आधारित चाचणी (CBT) पद्धतीने आयोजित करण्यात येणार आहे. ही राष्ट्रीय स्तरावरील परीक्षा आहे जी राष्ट्रीय शिक्षक शिक्षण परिषद (एनसीटीई)च्या वतीने राष्ट्रीय चाचणी एजन्सी (NTA) द्वारे घेतली जाते. २०२५-२६ या शैक्षणिक सत्रासाठी निवडक केंद्रीय/राज्य विद्यापीठे/संस्थांमध्ये जसे की आयआयटी, एनआयटी, आरआयई आणि सरकारी महाविद्यालये इत्यादींमध्ये ४ वर्षांच्या एकात्मिक शिक्षक शिक्षण कार्यक्रमात (आयटीईपी) प्रवेश मिळविण्यासाठी एनसीईटी पात्रता अनिवार्य आहे.
दरम्यान चालू CBSE आणि इतर बोर्ड परीक्षांमुळे विद्यार्थी, संस्था आणि इतर संस्थांनी केलेल्या विनंत्या लक्षात घेता, राष्ट्रीय शिक्षक शिक्षण परिषदेने (NCTE) ऑनलाइन अर्ज सादर करण्याची अंतिम तारीख वाढवण्याची शिफारस केली. त्यानुसार, NCTE च्या विनंतीनुसार, अंतिम तारीख १६ मार्च २०२५ वरून ३१ मार्च २०२५ पर्यंत वाढविण्यात आली आहे. अधिक माहितीसाठी उमेदवारांनी https://exams.nta.ac.in/NCET/ या अधिकृत वेबसाईटला भेट द्यावी.
असा करा अर्ज
* सर्वप्रथम अधिकृत वेबसाइटला https://exams.nta.ac.in/NCET/ भेट द्या.
* आता होमपेजवर, NCET २०२५ परीक्षेसाठी ऑनलाइन अर्जाची लिंक शोधा.
* त्या लिंकवर क्लिक करा आणि नोंदणी करा.
* आता सर्व आवश्यक तपशील भरा.
* शेवटी अर्ज भरा आणि पुढील गरजेसाठी अर्जाची एक प्रत ठेवा.
