मुलीला विज्ञान शाखेत प्रवेश घेण्याच्या परवानगी साठी थेट शिक्षण मंत्र्यांचा फोन
काही दिवसांपूर्वी, एका मीडिया रिपोर्टमध्ये असे उघड झाले होते की खुशबूच्या पालकांनी तिला विज्ञान शाखेऐवजी कला शाखेत जाण्यास भाग पाडले होते, तर तिच्या भावांना विज्ञान शाखेत जाण्याची परवानगी होती. याआधी खुशबूने एका मुलाखतीत रडत रडत तिच्या वेदना व्यक्त केल्या होत्या. तिने सांगितले की तिच्या पालकांनी तिला विज्ञान शाखेत प्रवेश घेण्यापासून रोखले कारण तिने दहावीत ५०० पैकी ३९९ गुण मिळवले होते, तर त्यांच्या मते तिला किमान ४०० गुण मिळायला हवे होते.
eduvarta@gmail.com 
एज्युवार्ता न्यूज नेटवर्क
तिला 11 वी मध्ये विज्ञान शाखेत प्रवेश घ्यायचा होता, पण टक्के कमी असल्यामुळे तिचे पालक त्यासाठी परवानगी देत नव्हते. अखेर खुद्द केंद्रीय शिक्षण मंत्री धर्मेंद्र प्रधान (Union Education Minister Dharmendra Pradhan) यांनी तिला फोन करून "विज्ञान शाखेत शिक्षण घे, NEET ची तयारी कर, तुझे डॉक्टर होण्याचे स्वप्न पूर्ण कर," असे सांगून तिला बळ दिले. बिहार मधील खुशबू या विद्यार्थिनीला रविवारी अचानक शिक्षण मंत्र्यांचा फोन आला, (Khushboo, a student from Bihar, received a call from the education minister) आणि तिचे आयुष्य बदलले.
काही दिवसांपूर्वी, एका मीडिया रिपोर्टमध्ये असे उघड झाले होते की खुशबूच्या पालकांनी तिला विज्ञान शाखेऐवजी कला शाखेत जाण्यास भाग पाडले होते, तर तिच्या भावांना विज्ञान शाखेत जाण्याची परवानगी होती. याआधी खुशबूने एका मुलाखतीत रडत रडत तिच्या वेदना व्यक्त केल्या होत्या. तिने सांगितले की तिच्या पालकांनी तिला विज्ञान शाखेत प्रवेश घेण्यापासून रोखले कारण तिने दहावीत ५०० पैकी ३९९ गुण मिळवले होते, तर त्यांच्या मते तिला किमान ४०० गुण मिळायला हवे होते. खुशबू म्हणाली होती, "मुलींसोबत खूप भेदभाव केला जातो. माझ्या भावांना विज्ञान शिकण्याची परवानगी आहे, पण मला फक्त एक गुण कमी मिळाल्याने ही संधी देण्यात आली नाही."
ही माहिती धर्मेंद्र प्रधान यांच्यापर्यंत पोहोचल्यानंतर त्यांनी खुशबूला फोनवरून आश्वासन दिले की, त्यांचे दानापूर जिल्ह्याच्या जिल्हाधिकाऱ्यांशी बोलणे झाले आहे आणि तिच्या विज्ञान शाखेतील प्रवेशाची प्रक्रिया लवकरच पूर्ण केली जाईल.
प्रधान यांनी फोनवर सांगितले की, "पंतप्रधान नरेंद्र मोदी आणि मुख्यमंत्री नितीश कुमार तुम्हाला तुमच्या आवडीच्या विषयाचा अभ्यास करण्याची संधी मिळेल याची खात्री करतील. मी जिल्हा दंडाधिकाऱ्यांशी बोललो आहे, ते तुम्हाला प्रवेश देतील. तुम्ही नीटची तयारी सुरू करा आणि डॉक्टर होण्याचे तुमचे स्वप्न पूर्ण करा."
