पूजा खेडकर प्रकरणानंतर 'MPSC' ने घेतला मोठा निर्णय 

एज्युवार्ता न्यूज नेटवर्क 

गेल्या काही दिवसांपासून सुरू असलेल्या आयएएस पूजा खेडकर प्रकरणानंतर (Pooja Khedkar case) खडबडून जागे झालेल्या महाराष्ट्र लोकसेवा आयोगाने (MPSC) आता मोठा निर्णय घेतला आहे. एमपीएससीकडून घेण्यात आलेल्या राज्यसेवा परीक्षेद्वारे मुलाखतीसाठी पात्र ठरणाऱ्या उमेदवारांची वैद्यकीय तपासणी (Medical examination) आता मुलाखतीच्या टप्प्यावर केली जाणार आहे. यासाठीचे धोरण निश्चित करण्यात आले (The policy was decided) आहे. त्यानुसार राज्य सेवा मुख्य परीक्षा 2023 मधून मुलाखतीकरीता पात्र असलेल्या उमेदवारांची वैद्यकीय तपासणी केली जाणार आहे.

एमपीएससी परीक्षेत पात्र ठरलेल्या उमेदवारांची वैद्यकीय तपासणी राज्यातील मुंबई, नागपूर, पुणे, छत्रपती संभाजीनगर या ठिकाणी आयोजित करण्यात येणार आहे. वादग्रस्त आयएएस अधिकारी पूजा खेडकर प्रकरणानंतर एमपीएससीच्या विद्यार्थ्यांची केली जाणारी ही वैद्यकीय तपासणी अधिकच कठोर होण्याची शक्यता वर्तवण्यात येत आहे. 

या तपासणी मध्ये संबंधित सर्व उमेदवारांच्या कागदपत्रांची सखोलपणे पडताळणी करून त्यामध्ये काही त्रुटी तर नाही ना याची शहानिशा केली जाणार आहे. या उमेदवारांची माहिती पुढील काळात कोणी मिळविल्यास आणि त्यातून काही वाद निर्माण झाल्यास संबंधित अधिकारी आणि कर्मचारी अडचणीमध्ये येऊ नये, यासाठी आता अधिक गांभीयनि याकडे लक्ष दिले जाणार असल्याचे एमपीएससीने स्पष्ट केले आहे. 

आयएएस होण्यासाठी पूजा खेडकर यांनी अपंग असल्याचे सर्टिफिकेट दिले होते. हे प्रकरण समोर आल्यानंतर अनेकांनी खोटी प्रमाणपत्रे देऊन अपंगत्वाचा फायदा घेतला असल्याचे गंभीर आरोप केले जात आहेत. त्यामुळे आता एमपीएससीने देखीत याकडे गांभीयनि लक्ष देण्यास सुरुवात केली आहे. एमपीएससीच्या 2023 मधून मुलाखतीसाठी पात्र ठरलेल्या दिव्यांग उमेदवारांची मुंबई येथे वैद्यकीय तपासणी केली जाणार आहे. याबाबतची सविस्तर माहिती संबंधित उमेदवारांना स्वतंत्रपणे दिली जाणार आहे. दिव्यांग उमेदवारांच्या वैद्यकीय तपासणीच्या सर्व सूचना व कार्यपध्दती तसेच वैद्यकीय तपासणीचा दिनांक व ठिकाण लवकरच संबंधितांना कळविते जाईत, असे महाराष्ट्र लोकसेवा आयोगाने स्पष्ट केले आहे.