CET Cell : एलएलबी, बीसीए, बीबीए, बीएमएस प्रवेश पूर्व परीक्षेचे निकाल जाहीर
शैक्षणिक वर्ष २०२५-२६ साठी व्यावसायिक पदवी व पदव्युत्तर पदवी अभ्यासक्रमाला प्रवेश घेणार्या सर्व विद्यार्थ्यांचे या निकालाकडे लक्ष लागले आहे. सीईटी सेलने जाहीर केलेल्या तारखेनुसार एलएलबी ५ वर्षे, बीसीए, बीबीए, बीएमएस आणि बीबीएम या अभ्यासक्रमाच्या प्रवेश पूर्व परीक्षेचा निकाल आज प्रसिद्ध करण्यात आला आहे.
Eduvarta
एज्युवार्ता न्यूज नेटवर्क
महाराष्ट्र राज्य सामायिक प्रवेश (Maharashtra State Common Entrance Test) कक्षामार्फत घेण्यात येणार एलएलबी ५ वर्षे, बीसीए, बीबीए, बीएमएस आणि बीबीएम या अभ्यासक्रमाच्या (LLB 5 years, BCA, BBA, BMS and BBM courses) प्रवेश पूर्व परीक्षेचे निकाल प्रसिद्ध (Exam results released) करण्यात आले आहेत. सीईटी सेलचे अधिकृत संकेतस्थळ https://cetcell.mahacet.org वर जाऊन विद्यार्थ्यांना आपला निकाल पाहात येणार आहे.
राज्य सामाईक प्रवेश परीक्षा कक्षामार्फत नुकत्याच विविध प्रवेश पूर्व परीक्षेच्या निकालाच्या तारखा जाहीर करण्यात आल्या आहेत. त्यानुसार आता निकाल प्रसिद्ध करण्यास सुरुवात करण्यात आली आहे. शैक्षणिक वर्ष २०२५-२६ साठी व्यावसायिक पदवी व पदव्युत्तर पदवी अभ्यासक्रमाला प्रवेश घेणार्या सर्व विद्यार्थ्यांचे या निकालाकडे लक्ष लागले आहे. सीईटी सेलने जाहीर केलेल्या तारखेनुसार एलएलबी ५ वर्षे, बीसीए, बीबीए, बीएमएस आणि बीबीएम या अभ्यासक्रमाच्या प्रवेश पूर्व परीक्षेचा निकाल आज प्रसिद्ध करण्यात आला आहे.
असा तपासा निकाल
सर्वप्रथम उमेदवारांना सीईटी सेलचे अधिकृत संकेतस्थळ https://cetcell.mahacet.org ला भेट द्यावी लागेल. त्यानंतर निकाल पृष्ठावर पुनर्निर्देशित करण्यासाठी संबंधित अभ्यासक्रमाची लिंक निवडावी लागेल. आवश्यक लॉगिन क्रेडेन्शियल्स प्रविष्ट करा आणि फॉर्म सबमिट करा. स्क्रीनवर प्रदर्शित होणारा निकाल पहा. निकालाची प्रत डाउनलोड करा आणि जतन करा. भविष्यातील संदर्भासाठी हार्ड कॉपी प्रिंट करा.
उर्वरित निकाल्याच्या संभाव्य तारखा -
भौतिकशास्त्र, रसायनशास्त्र, जीवशास्त्र (PCB) आणि भौतिकशास्त्र, रसायनशास्त्र, गणित (PCM) या दोन्ही गटांचा १६ जून २०२५ रोजी निकाल जाहीर होण्याची शक्यता आहे. तसेच B.Design-CET चा निकाल 9 जून पर्यंत लागू शकतो तर 3 वर्षांच्या LLB CET चा निकाल 17 जून 2025 रोजी प्रसिद्ध होण्याची शक्यता आहे.
