जेईई मेन सेशन -2 ची प्रोव्हिजनल 'Answer Kay' जाहीर, अशी करा डाउनलोड

एज्युवार्त न्यूज नेटवर्क 

राष्ट्रीय चाचणी संस्थेने (NTA) संयुक्त प्रवेश परीक्षा (मुख्य) २०२६ सत्र २ (JEE Session -2 Main Exam) परीक्षेची प्रोव्हिजनल 'Answer Kay' प्रसिद्ध (Provisional Answer Key Released) केली आहे. जे उमेदवार तात्पुरत्या उत्तरतालिकेची आतुरतेने वाट पाहत होते, ते आता NTA च्या अधिकृत वेबसाइट  jeemain.nta.nic.in ला भेट देऊन उत्तरतालिका डाउनलोड करू शकतात. NTA ने देशभरातील विविध परीक्षा केंद्रांवर २ एप्रिल ते ८ एप्रिल दरम्यान JEE मुख्य सत्र २ परीक्षा घेतली होती. त्याची उत्तरतालिका आता प्रसिद्ध करण्यात आली आहे. उत्तरतालिका डाउनलोड करण्यासाठी, उमेदवारांना त्यांचा अर्ज क्रमांक आणि पासवर्ड टाकावा लागेल.

'अशी' डाउनलोड करा Answer Kay

तात्पुरती उत्तरतालिका डाउनलोड करण्यासाठी, सर्वप्रथम jeemain.nta.nic.in या अधिकृत वेबसाइटला भेट द्या. आता वेबसाइटच्या होमपेजवरील 'कँडिडेट ॲक्टिव्हिटी' (Candidate Activity) विभागावर क्लिक करा. यानंतर, 'Answer Key Challenge for JEE(Main) – 2026 [Session-II]' या लिंकवर क्लिक करा. लिंकवर क्लिक केल्यानंतर, तुमचा लॉगिन तपशील प्रविष्ट करा. लॉगिन तपशील प्रविष्ट केल्यानंतर, उत्तरसूची तुमच्या स्क्रीनवर उघडेल.

एनटीएच्या अधिकृत अधिसूचनेनुसार, आक्षेप नोंदवण्याची विंडो सुरू करण्यात आली आहे. उमेदवार १३ एप्रिल रात्री ११:५० वाजेपर्यंत अधिकृत वेबसाइटला भेट देऊन आपले आक्षेप नोंदवू शकतात. सर्व उमेदवारांना अंतिम मुदतीपूर्वी आपले आक्षेप नोंदवण्याचा सल्ला देण्यात येत आहे. त्यानंतर उमेदवारांना दुसरी संधी दिली जाणार नाही. आक्षेप नोंदवण्यासाठी, उमेदवारांना प्रत्येक प्रश्नासाठी २०० रुपये आक्षेप शुल्क देखील भरावे लागेल. 

NTA च्या अधिकृत अधिसूचनेनुसार, JEE Main सत्र २ परीक्षेचा निकाल 20 एप्रिल 2026 पर्यंत जाहीर केला जाऊ शकतो. त्यामुळे, सर्व उमेदवारांना निकाल डाउनलोड करण्यासाठी वेळोवेळी अधिकृत वेबसाइटला भेट देत राहण्याचा सल्ला देण्यात येत आहे.